For Quick Alerts
    ALLOW NOTIFICATIONS  
    For Daily Alerts

    లైవ్‌లోనే రెచ్చిపోయిన కంగనా రనౌత్.. షాకై నోరెళ్లబెట్టిన సినీ ప్రియులు

    |

    కంగనా రనౌత్.. ఈ పేరుకు పెద్దగా పరిచయం అవసరం లేదు. దీనికి ఆమె చేసిన సినిమాలతో పాటు, తలెత్తిన వివాదాలూ కారణమే. కంగనా ఏం చేసినా, ఏం మాట్లాడినా, ఎక్కడికి వెళ్లినా వివాదంలో దూరకుండా ఉండదు. అందుకే ఈమె దేశం మొత్తానికి యాక్టర్‌గా కంటే వివాదాస్పద సెలెబ్రిటీగా బాగా సుపరిచితురాలు అయిపోయింది. ఇప్పటికే ఎన్నో వివాదాలను ఎదుర్కొన్న ఈ బోల్డ్ బ్యూటీ.. తాజాగా మరోసారి వార్తల్లోకెక్కింది.

    జర్నలిస్టుతో గొడవ

    జర్నలిస్టుతో గొడవ

    ఆమె ప్రస్తుతం నటిస్తున్న ‘జడ్జిమెంటల్ హై క్యా' సినిమాలోని సాంగ్ లాంచింగ్ కార్యక్రమంలో కంగనా రెచ్చిపోయింది. తన గత చిత్రం ‘మణికర్ణిక.. ద క్వీన్ ఆఫ్ ఝాన్సీ' సినిమా రివ్యూ విషయంలో ఓ జర్నలిస్టుతో మాట్లాడే సమయంలో కంగనా విచక్షణ కోల్పోయింది. సదరు జర్నలిస్టుపై విరుచుకుపడిన ఆమె.. ‘‘మణికర్ణిక మేకింగ్ విషయంలో నేనేమైనా తప్పు చేశానా..? జాతీయత గురించి సినిమా తీసిన నన్ను పిచ్చిదాన్ని అనుకుంటున్నావా..?'' అంటూ అతడిపై ప్రశ్నల వర్షం కురిపించింది.

    ధీటైన సమాధానమిచ్చిన జర్నలిస్టు

    కంగనా తనపై విరుచుకుపడుతుండడంతో సదరు జర్నలిస్టు కూడా అదే స్థాయిలో రెచ్చిపోయాడు. తనపై ఆమె చేసిన వ్యాఖ్యలు ఏమాత్రం ఆమోదయోగ్యమైనవి కావంటూనే.. ఆగ్రహంతో ఊగిపోయాడు. వీరిద్దరి ధాటికి అక్కడున్న వారంతా షాక్‌కు గురయ్యారు. ఒకరిపై ఒకరు నిందలు వేసుకుంటూ గొడవ పడుతుండడం చూసి అంతా నోరెళ్లబెట్టేశారు. చివరికి ఫంక్షన్‌లో ఉన్న కొందరు ఇద్దరినీ సముదాయించడంతో గొడవ ముగిసింది.

    వివాదాలు కొత్తేం కాదు

    వివాదాలు కొత్తేం కాదు

    కంగనా రనౌత్‌కు వివాదాలు కొత్తేం కాదన్న విషయం ప్రత్యేకంగా చెప్పనక్కర్లేదు. బిగ్ సెలెబ్రిటీలపై కామెంట్లు చేయడం ఆమె అలవాటుగా మారింది. అప్పట్లో బాలీవుడ్ స్టార్ హీరో హృతిక్‌తో చెలరేగిన వివాదం మరువక ముందే ఆమె ఎన్నో సార్లు వార్తల్లోకి ఎక్కింది. అంతేనా.. ఆమె గత చిత్రం విషయంలో టాలీవుడ్ డైరెక్టర్ క్రిష్ జాగర్లమూడితో మనస్పర్థలు వచ్చిన విషయం తెలిసిందే. సినిమా డైరెక్టర్‌నే అయినా తనకు క్రెడిట్ ఇవ్వలేదని క్రిష్ ఆవేదన వ్యక్తం చేయడం చర్చనీయాంశం అయింది.

    ‘జడ్జిమెంటల్ హై క్యా' గురించి...

    ‘జడ్జిమెంటల్ హై క్యా' గురించి...

    ప్రస్తుతం కంగనా చేస్తున్న చిత్రం ‘జడ్జిమెంటల్ హై క్యా'. ఈ చిత్రాన్ని టాలీవుడ్ సీనియర్ డైరెక్టర్ రాఘవేంద్రరావు కుమారుడు ప్రకాశ్ కోవెలమూడి తెరకెక్కించారు. మొదటి ఈ సినిమాకు ‘మెంటల్ హై క్యా' అని టైటిల్ పెట్టారు. అయితే, దీనిపై సైక్రియార్టిస్టులు అభ్యంతరం వ్యక్తం చేశారు. దీంతో టైటిల్ మార్చడంతో పాటు ట్రైలర్‌ను సైతం వాయిదా వేశారు. ఏక్తా కపూర్, శ్రద్ధా కపూర్, శైలేష్ కలిసి నిర్మిస్తున్న ఈ సినిమాలో కంగనాతో పాటు రాజ్‌కుమార్ రావు, విక్రాంత్ తదితరులు నటిస్తున్నారు.

    English summary
    Bollywood actress Kangana Ranaut enters into another controversy. this time she allegations on a journakist. she based a journalist in Judgementall Hai Kya movie song launch event. this is big senstation in B town.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X