హీరో హీరోయిన్ ప్రేమ వివాహం: ఇండస్ట్రీ అంతా మద్దతు... (ఫోటోస్)

బెంగుళూరు: కన్నడ సినీ పరిశ్రమ(శాండల్ ఉడ్‌) స్టార్స్ యశ్, రాధిక పండిత్ పెళ్లి వేడుక బెంగుళూరులోని ఓ స్టార్ హోటల్ లో గ్రాండ్‌గా జరిగింది. కన్నడ చిత్ర సీమలో హిట్ జోడా పేరు తెచ్చుకున్న ఈ జంట ఇపుడు నిజజీవితంలోనూ భార్యభర్తలుగా మారారు. శుక్రవారం మధ్యాహ్నం 12.35 గంటలకు వివాహం జరిగింది.

ఈ మధ్య కాలంలో కర్నాటకలో ఏ సినీ స్టార్ పెళ్లి వేడుక కూడా ఇంత గ్రాండ్ గా జరుగలేదు. ఆర్ట్ డైరెక్టర్ అరుణ్ సాగర్ నేతృత్వంలో భారీ సెట్స్ వేసారు. ఈ సెట్స్ గ్రాండ్ లుక్ తో కళ్యాణ వేదికకు సరికొత్త శోభను తెచ్చాయి.

యశ్-రాధిక పండిట్ వివాహానికి సంబంధించిన ఫోటోల కోసం క్లిక్ చేయండి

యశ్-రాధిక పండిత్ పెళ్లి వేడుకకు కన్నడ సినీలోకం మొత్తం తరలివచ్చింది. నవదంపతులను ఆశీర్వదించేందుకు ఆది చుంచనగిరి మఠం పీఠాధ్యక్షుడు నిర్మలానంద స్వామిజీతో పాటు పలువురు రాజకీయ, సినీ ప్రముఖులు హాజరయ్యారు.

యశ్-రాధిక పండిత్ సినీ రంగంలోనే పరిచయం అయ్యారు. ఇద్దరి ఆలోచనలు, మనస్తత్వాలు దగ్గరగా ఉండటంతో అతికొద్దికాలంలోనే స్నేహితులయ్యారు. గత ఆరేళ్లుగా వీరు ప్రేమించుకుంటున్నారు.