Click it and Unblock the Notifications
పేరు మార్చుకున్న కరీనాకపూర్
ఇక ముంబయిలో మహిళా ఫొటోగ్రాఫర్పై జరిగిన సామూహిక అత్యాచార ఘటనపై సిని పరిశ్రమ తీవ్ర స్దాయిలో మండిపడుతోంది. దేశంలో మహిళలకు రక్షణ లేకుండా పోయిందని, వారి భద్రతకు భరోసా కలిగించేలా కఠిన చట్టాలను తీసుకురావాల్సిన సమయం వచ్చిందని బాలీవుడ్ నటి కరీనాకపూర్ అభిప్రాయపడ్డారు. ఓ వార్తా సంస్థతో మాట్లాడుతూ స్పందించారామె.
కరీనా మాట్లాడుతూ... 'గ్రామాలు, నగరాలన్న తేడా లేదు. దేశవ్యాప్తంగా ఇలాంటి దురదృష్టకర సంఘటనలు జరుగుతూనే ఉన్నాయి. తెలుస్తున్నవి కొన్నే. తెలియనివెన్నో! బహుశా నిరక్షరాస్యతే ఇందుకు కారణం కావచ్చు . ఇలాంటి అకృత్యాలపై ప్రజలను జాగృతం చేయడంలో మీడియా పాత్ర కీలకమని, నేరగాళ్లనూ ప్రముఖంగా పేర్కొనాల్సి ఉందన్నారు.
సమాజం ఎదుర్కొంటున్న సమస్యలకు సినిమాలు పరిష్కారం చూపలేవని, అవి కేవలం వినోదం పంచడానికేనని చెప్పారు. అయితే సినిమాలు ప్రజల్లో మంచి స్ఫూర్తి నింపడం గొప్ప విషయమన్నారు. 'మేం నటులం. రాజకీయ నాయకులం కాదు. పరిస్థితుల్లో మార్పు తీసుకురావాల్సిన బాధ్యత ప్రభుత్వాలకు ఉంది' అని ఓ ప్రశ్నకు సమాధానంగా చెప్పారు. తన సోదరి కుమార్తె(6)ను మంచి వాతావరణంలో పెంచాలనుకుంటున్నామని... ఆమెకు 16 ఏళ్లు వచ్చేసరికైనా పరిస్థితుల్లో మార్పు రావచ్చని ఆకాంక్షించారు.
Continue with Google