ఫేస్‌బుక్‌లో కాటమరాయుడు పైరసీ వీడియో.. కేసు నమోదు..

పవర్ స్టార్ పవన్ కల్యాణ్ నటించిన కాటమరాయుడు చిత్రం పైరసీ బారిన పడింది. కరీంనగర్‌లో కొందరు పైరసీకి పాల్పడ్డారు. ఈ చిత్రం మొత్తాన్ని వీడియోగా మలిచి ఫేస్‌బుక్‌లో అప్‌లోడ్ చేశారు. ఇప్పటికే కాటమరాయుడు వీడియో సోషల్ మీడియాలో వైరల్‌గా మారింది.

ఈ విషయాన్ని తెలుసుకొన్న పవన్ కల్యాణ్ అభిమానులు కరీంనగర్ వన్‌టౌన్ పోలీస్ స్టేషన్‌లో ఫిర్యాదు చేశారు. ఫిర్యాదు ఆధారంగా పోలీసులు దర్యాప్తు చేస్తున్నారు. ఈ చర్యకు పాల్పడిన కొందరిని గుర్తించి అదుపులోకి తీసుకొన్నట్టు సమాచారం.

ఫేస్‌బుక్‌లో ఇప్పటికే కాటమరాయుడు పైరసీ వీడియోకు 10 వేలకు పైగా వ్యూస్ వచ్చినట్టు సమాచారం. కాటమరాయుడు పైరసీపై ఆంధ్రప్రదేశ్, తెలంగాణ రాష్ట్రాల్లో పలు కేసులు నమోదయ్యాయి.