హోమ్

న్యూస్

ప్రముఖ నిర్మాత అచ్చి రెడ్డి రీసెంట్ గా ఖైదీ టైటిల్ ని తమ బ్యానర్ పై రిజిస్టర్ చేయించారు. దాంతో అంతా అచ్చి రెడ్డి నిర్మాతగా రామ్ చరణ్ హీరోగా సినిమా ప్రారంభం కానుందని ఊహాగానాలు చేసారు. అయితే అది నిజం కాదంటున్నారు పరిశ్రమ వర్గీయులు. ఆ టైటిల్ ని సాయి కుమార్ కొడుకు ఆది కోసం అని చెప్తున్నారు. ఆదితో ప్రేమే కావాలి చిత్రం నిర్మించిన అచ్చిరెడ్డి అతని తదుపరి చిత్రం కూడా నిర్మించే ఆలోచనలో ఉన్నాట్ట. ఆర్.ఆర్.మూవి మేకర్స్ వెంకట్ ఎలాగయినా ఆదికి లైఫ్ ఇవ్వాలని అచ్చిరెడ్డితో మరో చిత్రం తీయించి హిట్ కొట్టించాలని ఆలోచనలో ఉన్నాడని సమాచారం. గతంలోనూ ఆది తండ్రి సాయి కుమార్ కి ఆర్.ఆర్.మూవీ మేకర్స్ లో సామాన్యుడు చిత్రంతో హిట్ ఇచ్చారు.ఆ చిత్రంలో హీరో జగపతిబాబే అయినా సాయికే మంచి పేరు వచ్చి ఆ తర్వాత ప్రస్దానం వంటి చిత్రాల్లో లీడ్ రోల్ చేసే అవకాశం వచ్చింది. అందుకే ఖైదీ టైటిల్ తో హిట్ కొట్టాలని నిర్ణయించుకున్నట్లు తగిన దర్శకుడుకోసం చూస్తున్నట్లు వినికిడి.