»   »  'ప్రజారాజ్యం' కు పాతికేళ్ళు

'ప్రజారాజ్యం' కు పాతికేళ్ళు

Posted By:
Subscribe to Filmibeat Telugu
    Krishna
    కృష్ణ,జయప్రద జంటగా ...యం.మల్లికార్జున రావు దర్శకత్వంలో పద్మాలయా స్టూడియోస్ సమర్పణలో రత్నామూవీస్ నిర్మించిన చిత్రం 'ప్రజారాజ్యం'. అప్పట్లో సంచలన విజయం సాదించిన ఈ చిత్రం రిలీజయి(29-9-1983)ఈ రోజుకు పాతికేళ్ళవుతోంది. రైతు కుటుంబం నుండి వచ్చిన హీరో కృష్ణ ఆ రైతు సమస్యల పరిష్కారం కోరుతూ నిర్మించిన ఈ చిత్రం ఆ రోజులలో అందరినీ ఆకట్టుకుంది. రైతు సమస్యలను ప్రస్తావిస్తూ పరుచూరి సోదరులు అందించిన పవర్‌ఫుల్‌ డైలాగులు కృష్ణ నోటి వెంట తూటాల్లా పేలాయి. చిన్నాభిన్నమవుతున్న ఉమ్మడి కుటుంబ వ్యవస్థను పరిరక్షించుకోవలసిన ఆవశ్యకతను ఈ చిత్రం తెలియచెప్పడమే కాకుండా రైతుల సమస్య గురించి సవిస్తారంగా చర్చించటం అప్పట్లో చర్చనీయాంశమైంది.

    పాతికేళ్ల క్రిందటి రైతు పరిస్థితి వేరు. రైతు సంఘాలు లేవు. వారి గురించి పట్టించుకునే వారు కానీ, పోరాడేవారు కానీ లేరు. పండించిన పంటకు గిట్టుబాటు ధర దొరక్క రైతు ప్రతిక్షణం దోపిడికి గురయ్యేవాడు. రైతులందరూ కలిసికట్టుగా ఉండకపోతే దళారులు వారిని భక్షిస్తారనీ, అలా జరగకుండా వారిని మేల్కొలపటం కోసమే అప్పట్లో ఈ చిత్రాన్ని నిర్మించినట్లు హీరో కృష్ణ చెప్పారు. దళారీల వ్యవస్థ నశించి, రైతే తను పండించింది అమ్ముకునే సంప్రదాయం ప్రారంభించాలని హీరో పాత్ర ద్వారా చెప్పించి రైతు బజారులకు తమ సినిమాతోనే అంకురార్పణ చేశామని కూడా ఆయన తెలిపారు.

    నిజానికి ఈ సినిమా తీయాలన్నది హీరో కృష్ణ తల్లి నాగరత్నమ్మ చిరకాల కోరిక . రైతు కుటుంబంలో పుట్టి, రైతు కుటుంబంలో మెట్టిన ఆవిడకు ఎప్పుడూ రైతుల సమస్యల గురించి చింత ఉండేది. ఈఅందుకే ప్రజారాజ్యం సినిమా తీసి అమ్మకోరిక నెరవేర్చారు కృష్ణ. తల్లి పేరిట బేనరును ఏర్పాటు చేసి, ఆమె నిర్మాతగా ఈ సినిమా తీశారు. చిత్రం నిర్మించటంతో అమ్మ కోరిక నెరవేరిందని ఆయన ఆనందంతో చెబుతారు. ఇక కృష్ణ సోదరుడు ఆదిశేషగిరిరావు మాట్లాడుతూ...అప్పట్లో ..తమ చిత్రాలకు పెట్టే టైటిల్స్‌ ఎంతో అర్ధవంతంగా, ఉపయోగకరంగా ఉండేవనీ పేర్కొంటూ, తాజాగా ఇప్పుడు ప్రజారాజ్యం పార్టీకి తమ సినిమా టైటిల్‌నే ఉపయోగించుకున్నారనీ అన్నారు.

     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more