Don't Miss!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అతి చేసి పూర్తిగా ఇరుక్కుంది
ముంబై : ప్రముఖ గాయని, నటి అయిన లేడీ గాగా తన పాటలకంటే వేసుకునే దుస్తులతోనే ప్రజల దృష్టిని ఆకర్షిస్తుంది. ఒక మనిషి ఇలాంటి ఆహార్యంతో కూడా బయట అడుగుపెట్టవచ్చా అని నోరు వెళ్లబెట్టేలా ఉంటుంది ఆమె వస్త్రధారణ. కేవలం దుస్తులే కాకుండా ఆమె మేకప్, కేశాలంకరణ, పాదరక్షలు కూడా మిగతా వారికంటే ఎంతో భిన్నంగా ఉంటాయి.
ఈ విలక్షణతే ఆమెను వార్తల్లోని వ్యక్తిగానూ, వివాదాస్పద గాయనిగానూ నిలుపుతుంది. ఎవరి వూహలకు కూడా అందని మరో ఆశ్చర్యకరమైన చర్యతో మళ్లీ ఆమె ప్రపంచ దృష్టిని తన వైపు తిప్పుకుంది. అదేమిటంటే తన పెంపుడు శునకం అయిన ఆసియా(ఫ్రెంచ్ బుల్డాగ్)ను చిత్రవిచిత్రమైన నగలతో అలంకరించి ఆ ఫోటోలను అంతర్జాలంలో పెట్టింది లేడీ గాగా. ప్రపంచ వ్యాప్తంగా జంతువుల సంక్షేమం కోసం పనిచేసే 'పీపుల్ ఫర్ ది ఎథికల్ ట్రీట్మెంట్ ఆఫ్ యానిమల్స్'(పెటా) సంస్థ లేడీ గాగాపైన మండిపడుతుంది.
''లేడీ గాగా ఎలాంటి దుస్తులు ధరించినా తమకు ఏ అభ్యతరంలేదు, అది ఆమె వ్యక్తిగతం. తన పెంపుడు శునకం అయిన ఆసియాపైన ఆమెకు అపార ప్రేమ ఉండవచ్చు. కానీ ఆ మూగజీవి ముఖమంతా నగలతో కప్పి దాన్ని అసౌకర్యానికి గురి చేసే హక్కు మాత్రం ఆమెకు లేద''ని అంటున్నారు పెటా ప్రతినిధులు. ఏ శునకమైనా ఏ విధమైన ఆభూషణాలు లేనప్పటికీ ఎంతో అందంగా కనిపిస్తుందని, వాటి అసలైన ఆనందం సౌకర్యంలోనూ, భద్రతలోనే ఉంటుందన్నది వీరి అభిప్రాయం.