భయపడుతూనే! లెజెండ్ సంబరాల్లో బాలయ్య (ఫోటోలు)

ఎంకరేజ్ చేయను

సాధారణంగా నేను కాస్టింగ్ గురించి పట్టించుకోను. అదే సమయంలో మిస్ కాస్టింగును ఎంకరేజ్ చేయను. జగపతి బాబు గొప్ప నగుడు. ఇతర నటీనటులు బాగా నటించారు. దేవిశ్రీ ప్రసాద్ మంచి సంగీతం అందించారు. సినిమాకు సాంకేతిక నిపుణులతో పాటు ప్రతి ఒక్కరూ కష్టపడి పని చేసారు అని బాలయ్య వ్యాఖ్యానించారు.

బోయపాటి మాట్లాడుతూ...

నా కళ్లు కెమెరామెన్ రామ్ ప్రసాద్, రచయిత రత్నంగారు నా భావాలు భాగా అర్థం చేసుకుంటారు. ఆర్ట్ డైరెక్టర్ ప్రకాష్ నా ఊహలకు ప్రాణం పోస్తుంటారు. ఫైట్ మాస్టర్స్ రామ్ లక్ష్మణ్, కమల్ కణ్ణన్ బాగా సహకరించారు. అందరికీ థాంక్స్ అన్నారు.

అనిల్ సుంకర మాట్లాడుతూ...

బాలయ్యతో సినిమా చేసాక అన్నగారితో సినిమా చేయలేక పోయామనే బాధ సంగం తీరింది. అభిమానులకు మేం ఇచ్చిన మాట నిలబెట్టుకున్నాం. వారు కూడా మాట నిలబెట్టుకుని సినిమాను పెద్ద హిట్ చేయాలి అన్నారు.

జగపతి బాబు మాట్లాడుతూ...

ఈ సినిమాలో నేను డైలాగు చెప్పినట్లే నేను కారం లేకుండా తినను. అహంకారం లేకుండా ఉండను. నేను జిడ్డుగాడినే. ఇండస్ట్రీ నన్ను తరిమేయాలని చూసినా నేను వెళ్లను. ఇక్కడే ఉంటాం. ప్రజల గుండెల్లో ఉంటా. మూడు నాలుగేళ్లుగా నాకు తెలియని ఆకలి, నిద్ర లేదు. కానీ ఈ సినిమా నాకు కడుపునిండా అన్నం పెట్టింది. నిద్ర పోనిచ్చింది. నేను విలన్ పాత్ర చేయడం మహిళా అభిమానులకు నచ్చడం ఆనందంగా ఉంది అన్నారు.

దేవిశ్రీ మాట్లాడుతూ...

నాకు సంగీతమే ప్రాణం. నా జీవితంలో సంగీతం, సినిమాలు తప్ప మరేదీ ఉండదు. బాలకృష్ణ గారికి నేను సంగీతం అందించిన తొలి సినిమా చాలా పెద్ద హిట్ అయినందుకు ఆనందంగా ఉంది అన్నారు.

లెజెండ్

14 రీల్స్ ఎంటర్టెన్మెంట్స్, వారాహి చలన చిత్రం సంయుక్త నిర్మాణంలో.... నందమూరి బాలకృష్ణ, సోనాల్ చౌహాన్, రాధిక ఆప్టే హీరో హీరోయిన్లుగా నటించిన ‘లెజెండ్' చిత్రం భారీ విజయం సాధించింది.

50 కోట్ల దిశగా...

లెజెండ్ చిత్రం ఇప్పటికే భారీగా వసూళ్లు రాబట్టింది. త్వరలోనే ఈచిత్రం రూ. 50 కోట్లు వసూలు చేసిన సినిమాల క్లబ్బులో చేరుతుందని అంటున్నారు ట్రేడ్ విశ్లేషకులు.