హోమ్

న్యూస్

మూవీ ఆర్టిస్ట్స్ అసోసియేషన్ (మా) మరోసారి స్టార్ క్రికెట్ నిర్వహించనుంది. జూన్ 13న హైదరాబాద్‌లోని లాల్ బహదూర్ స్టేడియంలో 'టి20 టాలీవుడ్ ట్రోఫీ' పేరుతో స్టార్ క్రికెట్ ‌ను నిర్వహించనుంది. చిరంజీవి, బాలకృష్ణ, నాగార్జున, వెంకటేష్ జట్లు ఈ కిక్రెట్ మ్యాచ్‌లు ఆడతాయి. ఈ విషయంపై హీరో బాలకృష్ణ మాట్లాడుతూ, 'ఈ మ్యాచ్‌ల్లో పాల్గొనడం సంతోషాన్ని కలిగించే అంశం. ఈ మ్యాచ్‌ లన్నీ ఆషామాషీగా కాకుండా యుద్ధంలా జరుగుతాయి. మే 15న టీమ్స్ సెలక్షన్, మే 30న డ్రస్ లాంచ్ ఉంటాయి' అన్నారు.

ఇక 'మా' అధ్యక్షుడు మురళీమోహన్ తెలియజేస్తూ, 'మా'కు సొంత భవన నిర్మాణం, పేద కళాకారులకు సహాయ పడే ఉద్దేశంతో ఈ స్టార్ క్రికెట్‌ను నిర్వహించనున్నాం. జూన్ 13 ఉదయం 9 గంట నుంచి రాత్రి 11 గంటల వరకు క్రికెట్ మ్యాచ్ ‌లు, వినోదాత్మక కార్యక్రమాలు ఉంటాయి. చిత్ర పరిశ్రమలోని ప్రముఖ నటీనటులందరూ ఇందులో పాల్గొంటారు. రిథమ్ సంస్థ ఆధ్వర్యంలో ఈ ఈవెంట్ జరుగుతుంది. ఈ సందర్భంగా స్టేడియంలో యాంటీ పైరసీ రన్ కూడా ఉంటుంది' అన్నారు. ఈ సమావేశంలో సిద్ధార్థ, తరుణ్, సుశాంత్, ఆహుతి ప్రసాద్, శివాజీరాజా, గౌతంరాజు, మహర్షి, రిథమ్ విష్ణు, రవి, శేఖర్ పాల్గొన్నారు.