»   » మహేష్ బాబు ఎవరికి ‘ఎనిమీ’గా మారుతున్నాడు?

మహేష్ బాబు ఎవరికి ‘ఎనిమీ’గా మారుతున్నాడు?

Posted By:
Subscribe to Filmibeat Telugu

హైదరాబాద్: బ్రహ్మోత్సవం చిత్రం షూటింగ్ లో బిజిగా ఉన్న మహేష్ దీని తర్వాత ప్రముఖ దర్శకుడు ఏఆర్ మురుగుదాస్ దర్శకత్వంలో సినిమా చేయబోతున్న సంగతి తెలిసిందే. బ్రహ్మోత్సవం పూర్తయిన వెంటనే కొన్ని రోజుల గ్యాప్ తో సినిమా సెట్స్ పైకి వెళుతుంది.

ఈ సినిమాకు సంబందించిన బౌండెడ్ స్క్రిప్ట్ పూర్తి చేసి మురుగుదాస్ రెడీగా ఉన్నారు. మూడు భాషల్లో రూపొందనున్న ఈ చిత్రం ఏప్రిల్ తర్వాత ప్రారంభం అవుతుందని టాక్. నిర్మాతలు ఎన్.వి ప్రసాద్ మరియు ఠాగుర్ మధు కలిసి నిర్మిస్తున్న ఈ సినిమా కు సుమారు 110 కోట్లు ఖర్చుపెడుతున్నట్టు సమాచారం.

తాజాగా అందుతున్న సమాచారం ప్రకారం.... ఈ చిత్రానికి ‘ఎనిమీ'(శత్రువు) అనే టైటిల్ పరిశీలిస్తున్నట్లు సమాచారం. గతంలో ‘చట్టంతో పోరాటం' అనే టైటిల్ అనుకున్నప్పటికీ అది అంత అట్రాక్టివ్ గా లేక పోవడంతో ‘ఎనిమీ' టైటిల్ ఫైనల్ చేసే ఆలోచనలో ఉన్నట్లు సమాచారం.

Mahesh Babu-AR Murugadoss film titled ‘Enemy’

భారతీయ న్యాయ వ్యవస్థలోని లోపాలను ప్రశ్నిస్తూ ఈ సినిమా ఉంటుందని టాక్. సోషల్ రెస్పాన్సిబులిటీతో సినిమాను సందేశాత్మకంగా తెరకెక్కించబోతున్నారట. చట్టంలోని లోపాలను అడ్డుపెట్టుకుని అక్రమాలకు పాల్పడే వారికి ‘ఎనిమీ'గా మహేష్ బాబు పాత్ర ఉంటుందని అంటున్నారు. ఇప్పటికే ఈ సినిమాకు సంబందించిన లోకేషన్స్ కోసం మురుగుదాస్, కెమెరామెన్ సంతోష్ శివన్ ముంబాయి పరిసర ప్రాంతలు తిరుగుతున్నారు. ఇది ముంబాయ్ బ్యాక్ డ్రాప్ లో కథ ఉంటుందని ఫిల్మ్ నగర్ సమాచారం.

ఈ సినిమాలో విలన్‌గా హాలీవుడ్ యాక్టర్ నటించబోతున్నట్లు సమాచారం. హాలీవుడ్ నటుడు హారిసన్ ఫోర్డ్ ఈ చిత్రంలో విలన్ గా నటించబోతున్నట్లు ప్రచారం జరుగుతోంది. హాలీవుడ్ నుండి వస్తున్నాడు కాబట్టి అతడికి కెమ్యూనరేషన్ కూడా భారీగానే ముట్టజెబుతున్నట్లు సమాచారం.

English summary
Superstar Mahesh Babu’s film with star Tamil director AR Murugadoss is undoubtedly one of the most craziest projects in 2016. Now, the latest buzz reveals that the film has been titled ‘Enemy’.
Please Wait while comments are loading...