మహేశ్ మహా చిలిపి.. సమంత చెప్పింది నిజమే.. బుగ్గలు పిండి ఏం చేశాడో చూడండి..

మహేశ్‌బాబు గురించి సమంత..

ఇటీవల ట్విట్టర్‌లో సమంత అభిమానులతో ముచ్చటించిన సందర్భంగా తన తోటి నటీనటుల గురించి ఓ మాట చెప్పింది. ముఖ్యంగా సూపర్‌స్టార్ మహేశ్‌బాబు గురించి అభిమానులు అడిగిన ప్రశ్నకు సమాధానమిస్తూ ప్రిన్స్ గురించి చాలా అనేక ఆసక్తికరమైన విషయాలు చెప్పుకొచ్చింది.

మహేశ్‌తో నటిస్తే ఎంజాయ్

మహేశ్‌బాబు‌తో కలిసి పనిచేయడం చాలా ఎంజాయ్‌గా ఉంటుంది. సెట్ అంతా సందడి సందడిగా మారిపోతుంది. కానీ అతను షూటింగ్‌లో ఉన్నప్పడు, సీన్ గురించి ఆలోచిస్తున్నప్పుడు గానీ ఎవరూ కూడా నవ్వకూడదు. షూటింగ్ బ్రేక్‌లో ఎంతో సరదాగా ఉంటారు. తన పనికి ఆయన చాలా కట్టుబటి ఉంటాడు. ఒకసారి షూటింగ్‌కు వస్తే దాని గురించే ఆలోచిస్తాడు అని సమంత చెప్పింది.

మురుగదాస్ ట్వీట్ చేసిన వీడియో ఇదే..

సమంత చెప్పినట్టే తాజాగా స్పైడర్‌ షూటింగ్ సందర్బంగా మహేవ్ చేసిన ఓ సరదా సన్నివేశం సోషల్ మీడియాలో వైరల్‌గా మారింది. అభిమానులను బాగా ఆకట్టుకొంటున్నది. సైడర్ షూటింగ్ సందర్భంగా మహేశ్ ఓ అసిస్టెంట్ డైరెక్టర్ బుగ్గలు సరదాగా పిండుతూ చాలా సంతోషంగా ఉండటం కనిపించింది. ఈ వీడియోను దర్శకుడు ఏఆర్ మురుగదాస్ షేర్ చేశాడు.

మహేశ్ సంతోషానికి కారణం ఏమై ఉంటుందో..

మహేశ్ అలా అసిస్టెంట్ డైరెక్టర్‌ను ఎందుకు ఆటపట్టించాడు? మహేశ్‌కు అంతా ముద్దొచ్చే పని ఆ వ్యక్తి చేశాడు. ప్రిన్స్‌ను చాలా సంతోషంలో ముంచిన సంఘటన ఏమై ఉంటుంది అనే ప్రశ్నలు ఫ్యాన్స్‌ను తొలిచివేస్తున్నాయి. అయితే సరదా సంఘటన వెనుక వివరాలను మురుగదాస్ వెల్లడిస్తే బాగుండేది.. మేము కూడా మహేశ్‌బాబులా హ్యపీగా ఫీలయ్యే వాళ్లం కదా అనే అభిప్రాయాన్ని వ్యక్తం చేస్తున్నారు.