‘మహర్షి’ ట్రైలర్ సంచలనం... నాన్ బాహుబలి రికార్డులు బద్దలు!

8 మిలియన్ వ్యూస్, ట్రెండింగ్ నెం.1

‘మహర్షి' ట్రైలర్ విడుదలైన 24 గంటల్లో 8 మిలియన్ ప్లస్ రియల్ టైమ్ వ్యూస్ సొంతం చేసుకుంది. యూట్యూబ్‌లో ట్రెండింగ్ నెం.1 స్థానంలో కొనసాగుతూ ఉంది. కేవలం తెలుగు ప్రేక్షుకులకు మాత్రమే కాదు... కన్నడ, ఇతర సౌతిండియన్ ప్రేక్షకులు సైతం ఈ ట్రైలర్ చూసి ఫిదా అవుతున్నారు.

నాన్ బాహుబలి రికార్డులన్నీ బద్దలు

8 మిలయన్లకుపైగా రియల్ టైమ్ వ్యూస్ సొంతం చేసుకోవడమే కాదు... విడుదలైన 24 గంటల్లో అత్యధిక వ్యూస్ సొంతం చేసుకున్న ట్రైలర్‌గా ఇప్పటి వరకు ఇండస్ట్రీలో ఉన్న నాన్ బాహుబలి రికార్డులన్నింటినీ బద్దలు కొట్టింది ‘మహర్షి'. తెలుగులో బాహుబలి 2 తర్వాత అత్యధిక వ్యూస్ సొంతం చేసుకున్న ట్రైలర్ ఇదే.

అత్యంత వేగంగా 7 మిలియన్

బాహుబలి మినహా... ఇప్పటి వరకు ఏ తెలుగు సినిమా ట్రైలర్ 24 గంటల్లో 7 మిలియన్ మార్క్ రీచ్ కాలేదు. కానీ ‘మహర్షి' ట్రైలర్ విడుదలైన 20 గంటల్లోనే 7 మిలియన్ వ్యూస్ సొంతం చేసుకోవడం గమనార్హం. మహేష్ బాబు సినిమాలు ఇష్టపడే వారిలో కేవలం యూత్ మాత్రమే కాదు.. ఫ్యామిలీ ప్రేక్షకులు ఉండటమే ఇందుకు కారణం.

అరవింద సమేత రికార్డ్ బద్దలు

ఇప్పటి వరకు నాన్ బాహుబలి కేటగిరీలో యంగ్ టైగర్ ఎన్టీఆర్ నటించిన ‘అరవింద సమేత' ట్రైలర్ 6.9 మిలియన్ యూట్యూబ్‌ వ్యూస్‌తో నెం.1 స్థానంలో ఉండేది. ఇపుడు ‘మహర్షి' వచ్చి ఆ రికార్డ్ బద్దలు కొట్టింది. అయితే లైక్స్ విషయంలో ‘అరవింద సమేత' ముందు ఉంది. దీనికి 3 లక్షలకు పైగా లైక్స్ రాగా... ‘మహర్షి' చిత్రానికి కేవలం 2 లక్షల లైక్స్ మాత్రమే వచ్చాయి.