అదే భయం, మర్చిపోలేను, సెంటిమెంట్, అందుకే ఆలస్యం: మహేష్ బాబు

లక్కీ, టెన్షన్లు లేవు

టెన్షన్లు లేకపోతే, ఇల్లు బావుంటే ఆహ్లాదకరంగా ఉంటారు. లక్కీగా నాకు అలాంటి మంచి కుటుంబం దొరికింది. అందువల్ల ఆ టెన్షన్లు కూడా లేవు.

అన్నీ నమ్రతే..

నిర్మాణ వ్యవహారాలతో పాటు, సినిమా ప్రచార వ్యవహారాలన్నిటినీ నా భార్యే చూసుకొంటుంది. నా బాధ్యత కేవలం మంచి కథల్ని ఎంచుకోవడం, షూటింగులో పాల్గొనడం, అందు వల్ల చాలా ఫ్రీగా అనిపిస్తుంది.

ప్యూర్ గా ఉండాలి.

బ్రహ్మోత్సవం వంటి సినిమా చేసేటప్పుడు ప్యూర్ గా ఉండాలి. ఈ కథ వేరుగా ఉంటుంది. మంచి ఫ్యామిలీ ఎంటర్ టైనర్.

వాటిని గుర్తు చేస్తుంది

జీవితంలో ఇప్పుడు పోటీ ప్రపంచంలో చిన్న చిన్న ఫీలింగ్స్ ను, ఎమోషన్స్ క్యారీ చేయడం మరచిపోతున్నాం. మా బ్రహ్మోత్సవం సినిమా వాటిని గుర్తుకు తెస్తుంది.

సితార సెంటిమెంట్

పిల్లలు చాలా స్వచ్ఛమైన వారు. అలాంటివారు ఆడియో వేడుకలకు వస్తే మంచి జరుగుతుందని నా నమ్మకం. ‘సీతమ్మవాకిట్లో సిరిమల్లె చెట్టు' సినిమా ఆడియో వేడుకకు గౌతమ్‌ తొలిసారి వచ్చాడు. ఆ సినిమా ఎంత పెద్ద హిట్‌ అయిందో తెలిసిందే. ఈసారి సితార పాప వచ్చింది. తప్పకుండా మంచి జరుగుతుందనే నమ్మకంతో సితార సెంటిమెంట్ అని చెప్పాను.

బుర్రిపాలెం గురించి..

మొన్న వెళ్లినప్పుడు అక్కడివాళ్లు చూపించిన ఆదరాభిమానాలను మర్చిపోలేను. నేను ఉన్నది హైదరాబాదే అయినా ఎప్పుడూ బుర్రిపాలెంలోనే ఉన్నట్టు అనిపించింది..

పిల్లల గురించి

ఇద్దరిలోనూ. ఇద్దరూ అల్లరిగానే ఉంటారు. నాతో క్లోజ్‌గా ఉంటారు. ఇద్దరూ నాలుగు భాషల్లో మాట్లాడుతున్నారు. తెలుగు, ఇంగ్లిష్‌, హిందీ, మరాఠీ ఇద్దరికీ వచ్చు. సితార అల్లరి చాలా ఎక్కువ చేస్తుంది. చుట్టూ ఉన్న వాళ్లతో తేలిగ్గా కలిసిపోతుంది. గౌతమ్‌ నేను నవ్వినట్టు నవ్వుతాడు. చుట్టూ ఎక్కువ మంది ఉంటే తేలిగ్గా కలవలేడు.

భయం

శుక్రవారం భయం ఉంటుందండీ. అంత కష్టపడి చేసిన సిని మా ఫలితం విషయం ఆలోచించకుండా ఎలా ఉండగలం

అందుకే లేటు

సినిమా నిజానికి ఏప్రిల్‌లోనే విడుదల చేయాలి. చిత్రీకరణ సమయంలో చిన్న చిన్న అవాంతరాలు ఎదురయ్యాయి. చాలామంది నటులున్న సినిమా ఇది. అనుకొన్న సమయానికి అనుకున్నట్టుగా ఓ సన్నివేశం చేయలేకపోయినా మళ్లీ ఆ నటుల కాల్షీట్లన్నీ దొరకడానికి చాలా సమయం పట్టేది. అలా ఈ సినిమా కాస్త ఆలస్యమైందంతే.

ప్రణాళికలు లేవు, అదృష్టం

ప్రణాళికలు వేసుకొని సినిమాలు చేయడం నాకు అలవాటు లేదు. దేవుడి ఆశీర్వాదంతోనే ‘బ్రహ్మోత్సవం' చేశాననుకొంటున్నా. ‘శ్రీమంతుడు' చిత్రీకరణ సమయంలోనే ఈ కథ విన్నా. బాగా నచ్చింది. ‘శ్రీమంతుడు'లాంటి ఓ మంచి సినిమా తర్వాత మరోసారి బలమైన కథ నాకు దొరకడం అదృష్టం.

కుటుంబ కథలు చాలా శక్తిమంతమైనవి

కుటుంబ కథలకి కాలం చెల్లడమంటూ ఉండదు. కాకపోతే ‘సీతమ్మ వాకిట్లో సిరిమల్లె చెట్టు'కు ముందు కొంతకాలం కుటుంబ అనుబంధాలతో కూడిన కథలేవీ తెరపైకి రాలేదు. అంతా యాక్షన్‌ పంథాలోనే కథల్ని వండేవారు. కానీ ‘సీతమ్మ...'లాంటి సినిమా తర్వాత మంచి కథయితే చాలు, కుటుంబ కథల్నీ ప్రేక్షకులు ఆదరిస్తారన్న విషయం అర్థమైంది.

బ్రహ్మోత్సవంలో..

ఆధునిక జీవితంలో కుటుంబాలు చిన్నవైపోయాయి. అందరూ కలుసుకుంటే ఓ ఉత్సవంలా ఉంటుంది కదా అనే చెబుతున్నాం. సినిమా చూశాక ప్రతి ఒక్కరూ ఒక రకమైన ఆనందానుభూతికి గురవుతారు. ఇందులోని భావోద్వేగాలన్నీ ప్రేక్షకులకు చేరువవుతాయని నా నమ్మకం.

కళ్లలో నీళ్లు తిరిగాయి

దర్శకుడు శ్రీకాంత్‌ అడ్డాల ఆ ఆలోచన చెప్పగానే వెంటనే కనెక్ట్‌ అయిపోయా. తండ్రికి చెప్పులు తొడిగి ఆశీర్వాదం తీసుకొనే సన్నివేశమది. అది తెరపై చాలా బాగుంటుంది. ఆ సన్నివేశం తీసేటప్పుడు అందరికీ కళ్లల్లో నీళ్లు తిరిగాయి. తెరపై చూసినప్పుడూ అదే అనుభూతి కలుగుతుంది.

నాన్నతో చూడాలంటే భయం

నాన్నతో కలిసి సినిమా చూడాలంటే నాకు భయం. ఆయన నాకు చెప్పకుండానే సినిమా చూసేస్తారు. చూశాక ఆయనే నాకు ఫోన్‌ చేస్తుంటారు. ఆ ఫోన్‌ కాల్‌ కోసం ఎదురు చూస్తుంటా.

సితార హీరోయిన్ అవుతుందనే సమంత కామెంట్ మీద

తను సరదాగా అందేమో? సితార చిన్న పిల్ల. తను ఏం అవుతుందో అప్పుడే ఎలా చెప్పగలం. కానీ చాలా హుషారుగా ఉంటుంది. పాటలు పాడుతుంది.

కనెక్ట్ అవ్వాలి

ఓ కథ నాకు నప్పుతుందో లేదో అనుభవం ద్వారా తెలిసిపోతుంది. నేను కనెక్ట్‌ అయిన కథలనే చేస్తా. అలాగని ఎలాంటి సినిమాలు చేయాలో తెలిసిపోయింది అని చెప్పను. కొన్ని తప్పులు చేస్తాం. కానీ ఇప్పటి వరకూ నేను నమ్మిన కథల్నే ఒప్పుకొన్నా. ఓ కథ వింటున్నప్పుడు చేయాలా, వద్దా అనేది అప్పటికప్పుడు నిర్ణయం తీసేసుకొంటా.

నెక్ట్స్ ప్రాజెక్ట్...

నెక్ట్స్ ప్రాజెక్ట్ మురుగదాస్ గారి దర్శకత్వంలో ఉంటుంది. ఆ సినిమా కోసం నేను కూడా ఎదురుచూస్తున్నాను. ఈ సినిమాను తెలుగు, తమిళంలో నిర్మిస్తున్నాం.

శ్రీకాంత్ అడ్డాల మాట్లాడుతూ...

ఫస్ట్ లుక్ పోస్టర్ లో సూపర్ స్టార్ మహేష్ తండ్రి కాళ్లకే చెప్పులు తొడుగుతుంటాడు. ఈ పోస్టర్ ను విడుదల చేసేటప్పుడు మేం ఫ్యాన్స్ పాజిటివ్ గానే ఆలోచిస్తారని అనుకున్నాం. అనుకున్నట్టుగానే ఫ్యాన్స్ పాజిటి గానే తీసుకున్నారు. టైటిల్ లో శ్రీవారి పాదాలను చూపించడానికి కారణం, హీరో అంత వినయంగా ఉంటారని చూపించడమే. వినయంగా ఉంటే మంచిదే కదా మరి..సాధారణంగా ఊళ్లో జరిగే బ్రహ్మోత్సవాలు జరగుతుంటాయి కదా, దాన్ని బట్టే టైటిల్ ను పెట్టాం. మంచి లవ్ స్టోరీ. ఫ్యామిలీతో విలువలతో కలిసి ఉంటుంది.