హోమ్

న్యూస్

దాదాపు రెండున్నర ఏళ్ళగా ఎదురుచూస్తున్న మహేష్ బాబు సినిమా ఓ కొలిక్కి వచ్చింది. త్రివిక్రమ్ కాంబినేషన్ లో రూపుదిద్దుకుంటున్న ఈ చిత్రం ఎనభై శాతం షూటింగ్ పూర్తయింది. ఈ చిత్రం వేసవిలో రిలీజ్ చేయాలని నిర్ణయించారు. అనూష్క హీరోయిన్ గా చేస్తున్న ఈ చిత్రానికి మణిశర్మ సంగీతం అందిస్తున్నారు. ఈ చిత్రంలో యాక్షన్ సీక్వెన్స్ లు, కామిడీ సన్నివేశాలు బాగా పండుతాయని నమ్మకం వ్యక్తం చేస్తున్నారు. ఇది ఒక రొమాంటిక్ ఎంటర్టైనర్ గా నిర్మాత శింగనమల రమేష్ పేర్కొంటున్నారు. ఇంతకు ముందు మహేష్, త్రివిక్రమ్ కాంబినేషన్ లో వచ్చిన అతడు చిత్రం మాదిరిగానే ఈ చిత్రంకూడా ఫ్యామిలీలను, యువతను టార్గెట్ చేస్తూ రూపొందిస్తున్నట్లు తెలుస్తోంది. ఇక సురేంద్రరెడ్డితో చేసిన అతిధి తర్వాత మహేష్ ది ఏ చిత్రమూ రిలీజ్ కాలేదు. ఇక త్రివిక్రమ్ పవన్ తో చేసిన జల్సా తర్వాత వస్తున్న చిత్రం ఇదే. అలాగే త్రివిక్రమ్ తాజాగా విజయ్ భాస్కర్, పవన్ కళ్యాణ్ కాంబినేషన్ లో రానున్న చిత్రానికి కథ, మాటలు అందిస్తున్న సంగతి తెలిసిందే.