మహేష్ మురుగదాస్ సినిమా కి బ్రేక్.... ఇప్పుడు త్రివిక్రమ్ తో

మురుగదాస్ సినిమాకు చిన్న బ్రేక్

ఎడతెగని షెడ్యూల్స్ తో ఈ సినిమా షూటింగ్ తో మహేష్ బిజీబిజీగా ఉన్నాడని అంతా అనుకుంటున్నారు. ప్రస్తుతం చెన్నైలో ఓ షెడ్యూల్ ప్రారంభమైందని కూడా ఎక్స్ పెక్ట్ చేశారు. కానీ మహేష్ మాత్రం మురుగదాస్ సినిమాకు చిన్న బ్రేక్ ఇచ్చాడు. ఈ షార్ట్ గ్యాప్ లో త్రివిక్రమ్ తో కలిసి సెట్స్ పైకి వచ్చాడు.

మరో బ్రాండ్‌కు అంబాసిడర్‌గా

మురుగదాస్‌ను కాసేపు పక్కనపెట్టి మాటల మాంత్రికుడు త్రివిక్రమ్‌ను లైన్‌లో పెట్టాడట మహేష్‌. సినిమాలతోపాటు యాడ్స్‌కు కూడా మహేష్‌ చాలా ప్రాముఖ్యాన్ని ఇస్తాడనే విషయం తెలిసిందే. ఇప్పటికే ఎన్నో బ్రాండ్స్‌ను ఎండార్స్‌ చేస్తున్న మహేష్‌ తాజాగా మరో బ్రాండ్‌కు అంబాసిడర్‌గా వ్యవహరించేందుకు ఒప్పందం కుదుర్చుకున్నాడట. లాయిడ్‌ సంస్థకు బ్రాండ్‌ అంబాసిడర్‌గా మహేష్‌ నియమితుడయ్యాడట.

మహేష్-త్రివిక్రమ్ కాంబో

ప్రస్తుతం దీనికి సంబంధించిన యాడ్‌లో మహేష్‌ పాల్గొంటున్నాడట. ఈ యాడ్‌ను త్రివిక్రమ్‌ డైరెక్ట్‌ చేస్తున్నాడట. మహేష్-త్రివిక్రమ్ కాంబోలో సినిమాల కంటే యాడ్సే ఎక్కువగా వచ్చాయి. ప్రస్తుతం టీవీల్లో ఎక్కువగా కనిపిస్తున్న అభి-బస్ యాడ్ కూడా త్రివిక్రమ్ తీసిందే.

మరోసారి

ఇప్పుడు లాయిడ్ యాడ్ కోసం మహేష్-త్రివిక్రమ్ మరోసారి కలిశారు. ఈ యాడ్‌ షూటింగ్‌ అయిన తర్వాత మహేష్‌.. మురుగదాస్‌ సినిమా షూటింగ్‌లో పాల్గొంటాడట. మహేష్‌, త్రివిక్రమ్‌ కాంబినేషన్‌లో త్వరలో ఓ సినిమా తెరకెక్కబోతున్న విషయం తెలిసిందే.