మరో హీరోయిన్ కిడ్నాప్‌కు కుట్ర.. నటి భావన కేసులో విచారణలో భయంకర నిజాలు..

సునీ చెప్పిన విషయాలతో షాక్

పోలీసుల విచారణలో నిందితుడు పల్సర్ సుని చెప్పిన విషయాలు షాక్ గురిచేశాయట. నాలుగేళ్ల క్రితం మరో సినీ నటిని కిడ్నాప్‌కు ప్రయత్నించామని పల్సర్ వెల్లడించినట్టు సమాచారం. కొందరు ఓ సినీ నటిని కిడ్నాప్ చేయాలనే పనిని అప్పగించినట్టు పోలీసులకు సుని తెలిపినట్టు తెలుస్తున్నది. కిడ్నాప్‌కు సంబంధించిన ఫొటోలు ఓ మెమొరీ కార్డులో ఉన్నాయని, అవి నటి కావ్య మాధవన్ షాప్‌లో దాచి పెట్టానని చెప్పాడు. దాంతో ఆమెకు సంబంధించిన వివరాలను సేకరిస్తున్నారు.

దిలీప్, నాదిర్ షాతో 13 గంటల విచారణ

తాజా ఆడియో టేపులు బయటపడిన తర్వాత మరోసారి కేసు విచారణ వేగం పుంజుకొన్నది. నటుడు దిలీప్, దర్శకుడు నాదిర్ షాను దాదాపు 13 గంటలపాటు విచారించారు. కేసు సంబంధించిన సమాచారాన్ని వారి నుంచి అడిగి తెలుసుకొన్నట్టు తెలుస్తున్నది.

పలు కోణాల్లో దర్యాప్తు..

భావన కిడ్నాప్‌కు సంబంధించిన వ్యవహారంలో పల్సర్ సుని నుంచి దిలీప్ కాల్ వెళ్లిందా? ఆ కాల్‌ను దిలీప్ రిసీవ్ చేసుకొన్నాడా? ఒకవేళ మాట్లాడితే వారి మధ్య సంభాషణ ఏం జరిగింది అనే కోణంలో కేసును విచారిస్తున్నారు.

ఆధారాల కోసం అన్వేషణ

భావన కిడ్నాప్ కేసుకు సంబంధించి ఓ ఫిర్యాదు నమోదైంది. ఎఫ్ఐఆర్ గానీ, దానికి సంబంధించిన విచారణ గానీ చేపట్టలేదు. తాజా ఆడియో టేపులు బయటకు రావడంతో ఈ కేసును పున:విచారణ చేపట్టామని కేరళ ఏడీజీపీ బీ సంధ్య చెప్పారు. ఈ వ్యవహారంలో పక్కా ఆధారాలు లభ్యం కాలేదని చెప్పారు.