అది వల్గర్ మూవీ, పీకీ కొట్టాలనిపిస్తుంది, సెక్సువాలిటీ అవసరమే కానీ... : మంచు లక్ష్మి

అలాంటి సినిమాలకు నాకు అవసరం లేదు

వల్గారిటీ అనేది ఎవరికైనా అభ్యంతరకరమే. మేము సైతం లాంటి షోలు చేసి.... అలాంటి సినిమాలు చేయాలని అస్సలు కోరుకోవడం లేదు. నాకు వద్దు కూడా. దాని వల్ల మన విలువ పోతుంది అని మంచు లక్ష్మి తెలిపారు.

అర్జున్ రెడ్డి-ఆర్ఎక్స్ 100

అర్జున్ రెడ్డి, ఆర్ఎక్స్ 100 సినిమాల ప్రస్తావన వచ్చినపుడు మంచు లక్ష్మి స్పందిస్తూ... ‘అర్జున్ రెడ్డి' వల్గర్ ఫిల్మ్ కాదు, అది రియల్ కల్ట్ ఫిల్మ్ అంటూ మంచు లక్ష్మి కితాబిచ్చారు. రెండో సినిమాలో వల్గారిటీ ఎక్కువ ఉందని విన్నాను. నేను చూడలేదు. అందుకే కామెంట్ చేయదలుచుకోలేదన్నారు.

సెక్సువాలిటీ, వల్గారిటీ మధ్య చాలా తేడా ఉంది

తెలుగు సినిమాల్లో సెక్సువాలిటీ చూపించడంలో తప్పులేదు, వల్గర్‌గా చూపించడమే ఇక్కడ సమస్య. అర్జున్ రెడ్డి చూశాను... చాలా బాగా నచ్చింది. అందులో రియల్ ఎమోషన్స్ చూపించారు. సెక్సువాలిటీ, వల్గారిటీ మధ్య చాలా తేడా ఉందని మంచు లక్ష్మి తెలిపారు.

ఉమెన్‌ను బ్యాడ్‌గా చూపించడం నచ్చదు

ఆ సినిమా (ఆర్ఎక్స్ 100)లో ఉమెన్‌ను బ్యాడ్‌గా చూపించారని విన్నాను. అలాంటివి నాకు నచ్చదు. సినిమా ఆడుతోంది, వారికి డబ్బులు వస్తున్నాయి అంతా బావుంది. కానీ నాకు అలాంటి సినిమాలు చేయడం ఇష్టం ఉండదు.

మంచి సినిమాలు కూడా ఆడుతున్నాయి

వల్గారిటీ చూపిస్తేనే జనాలు చూస్తారు అనుకోవడం తప్పు. పెళ్లి చూపులు అంతకంటే ఎక్కువ కలెక్ట్ చేసింది. క్షణం, మహానటి మంచి వసూళ్లు సాధించింది అని మంచు లక్ష్మి గుర్తు చేశారు.

పీకి కొట్టాలనిపిస్తుంది

మహిళల పట్ల చెడుగా ప్రవర్తించే వారంటే తనకు అసహ్యమని మంచు లక్ష్మి తెలిపారు. కొందరు మనం నడుచుకుంటూ వెళుతుంటే అసభ్యం తాకుతూ వెళతారు. అదేం ఆనందమో అర్థం కాదు. నేను ముసుగేసుకుని ఓల్డ్ సిటీకి వెళ్లిపుడు ఇలాంటి ఎదురయ్యాయి. వాళ్లకు నేను ఎవరో కూడా తెలియదు. చాలా మంది మహిళలు ఇలాంటి సమస్యలు ఎదుర్కొంటున్నారని అర్థమైంది. అలాంటపుడు మొహం మీద పీకి కొట్టాలనిపిస్తుంది.

ఏది బ్యాడ్ టచ్, ఏది గుడ్ టచ్ అనేది నేర్పాలి

పిల్లలకు చిన్నతనం నుండి ఇంట్లో, స్కూల్లో ఏది బ్యాడ్ టచ్, ఏది గుడ్ టచ్ అనేది నేర్పించాలి. అప్పుడే చిన్న పిల్లల పట్ల ఎవరైనా తప్పుగా ప్రవర్తిస్తే వారు దాన్ని అర్థం చేసుకుని పేరెంట్స్‌కు చెప్పే స్థాయికి వస్తారు అని మంచు లక్ష్మి తెలిపారు.