అయ్యో..! రానా థియేటర్ కాలిపోయింది: నేనే రాజు... తో ప్రారంభం కావాల్సిందే

అత్యాధునిక టెక్నాలజీతో

దివంగత దగ్గుబాటి రామానాయుడు కుటుంబానికి చెందిన ఈ సినిమా హాల్‌ను మరమ్మతులు చేసి రెండు థియేటర్లుగా అత్యాధునిక టెక్నాలజీతో తీర్చిదిద్దారు. ఒక థియేటర్‌ పూర్తి కావడంతో రేపు రామానాయుడు మనవడు, సినీ హీరో రానా చేతుల మీదుగా ప్రారంభించేందుకు సన్నాహాలు చేశారు.

Recommended Video

Nene Raju Nene Mantri Review

మంటలు చెలరేగాయి

అయితే ఏసీలు బిగించే సమయంలో ఒక్కసారిగా మంటలు చెలరేగాయి. అందరూ చూస్తుండగానే హాల్‌ మొత్తానికి మంటలు వ్యాపించి పూర్తిగా దగ్ధమైంది. స్థానికుల సమాచారంతో అగ్నిమాపక శకటాలు అక్కడికి చేరుకుని మంటలను అదుపులోకి తెచ్చాయి. ఈ ప్రమాదంలో కోటి రూపాయల మేర ఆస్తినష్టం సంభవించినట్లు సమాచారం.

నాలుగు థియేటర్లు రెడీ

తన స్వస్థలం చీరాలలో సురేష్ మహల్ థియేటర్ ను మొత్తం ఈమధ్య పూర్తిగా పునరుద్దరించారు. ఇదే కాదు ఇదే సమయంలో తెలుగు రాష్ట్రాల్లో మరో నాలుగు థియేటర్లు రెడీ చేసారు.సురేష్ మూవీస్ తరపున ఆయన ఇటీవల తన లీజు థియేటర్ల సంఖ్య గణనీయంగా పెంచుకునే వ్యూహం లో భాగంగానే ఈ థియేటర్లను సిద్దం చేస్తున్నారు.

నేనే రాజు నేనే మంత్రి

ఈ థియేటర్లు అన్నింటినీ కొత్తగా మార్చి ఈరోజు విడుదల అవుతున్న ‘నేనే రాజు నేనే మంత్రి' సినిమాతో మళ్ళీ ధియేటర్స్ ఓపెన్ చేస్తున్నారు. అయితే అనుకోకుండా చీరాల సురేష్ మహల్ లో షార్ట్ సర్క్యూట్ జరిగి మొత్తం చేసిన వర్క్ అంతా బూడిదపాలైపోయిన నేపధ్యంలో కోటి వరకు నష్టం వాటిల్లింది అన్న వార్తలు వస్తున్నాయి.

దురదృష్టకర సంఘటన

వాస్తవానికి ఇన్సూరెన్స్ ఉన్నా తాను ఎంతో భారీ అంచనాలతో విడుదల చేస్తున్న ‘నేనే రాజు నేనే మంత్రి' సినిమా విడుదలకు ముందు ఇలాంటి దురదృష్టకర సంఘటన జరగడం సురేశ్ బాబుకు షాక్ ఇచ్చింది అని టాక్. దీనితో కొంత వరకు ఈ నిర్మాత కొంత బెంగలో ఉన్నాడు అన్న వార్తలు వినిపిస్తున్నాయి