ఉయ్యాల వాడ పేరు మారింది... పవర్ ఫుల్ టైటిల్ ఇదే

భారీ బడ్జెట్ తో

'ఉయ్యాలవాడ నరసింహా రెడ్డి'ని తెరకెక్కించడానికి చకచకా సన్నాహాలు జరిగిపోతున్నాయి. తొలికాలాలనాటి పోరాట యోధుడి చరిత్ర కావడంతో, భారీ బడ్జెట్ తో .. బహు భాషల్లో ఈ సినిమాను రూపొందిస్తున్నారు. తెలుగుతో పాటు ఇతర భాషల్లోను ఈ సినిమాను విడుదల చేయనున్నారు.

Recommended Video

Chiranjeevi 151 Movie Title Changed

ఉయ్యాలవాడ నరసింహారెడ్డి

ఉయ్యాలవాడ నరసింహారెడ్డి అన్నా, లేదా ఉయ్యాలవాడ అన్నా కేవలం తెలుగుకు మాత్రమే పరిమితం అయిపోతుంది. కానీ చిరు ఈ సినిమాను సౌత్ ప్లస్ హిందీ భాషల్లోకి భారీగా అందించాలని చూస్తున్నారు. అందువల్ల అన్ని భాషలకు సరిపడా టైటిల్ కోసం వెదికారు.

మహావీర

ఆఖరికి అన్ని భాషలకి సంబంధించి ఒకే టైటిల్ పెడితే బాగుంటుందనే ఆలోచన చేశారు. అలా ఈ సినిమాకి 'మహావీర' అనే టైటిల్ ను పరిశీలిస్తున్నట్టుగా వార్తలు వస్తున్నాయి. దాదాపు ఇదే టైటిల్ ఖరారు కావొచ్చని అంటున్నారు. ఇప్పుడు ఈ సినిమా పేరు ‘మహావీర'.

బాహుబలి తర్వాత

బాహుబలి విజయం తర్వాత ఈ సినిమాని నేషనల్ లెవెల్ లో ప్రమోట్ చేయాలనే ఉద్దేశంతో బడ్జెట్ ని కూడా అమాంతం పెంచేశారు. దానికి తోడు ఈ మహావీర సినిమాని తన నాన్నకు చిరస్మరణీయ సినిమాగా మిగలాలని కంకణం కట్టుకున్న రామ్ చరణ్ దానికి తగ్గ ఏర్పాట్లలో ఉన్నాడు.

కొణిదెల ప్రొడక్షన్స్ బ్యానర్‌పై

కథాపరంగా కూడా ఈ టైటిల్ సరిగ్గా సరిపోతుందని భావిస్తున్నారు. కొణిదెల ప్రొడక్షన్స్ బ్యానర్‌పై మెగాపవర్‌స్టార్ రామ్ చరణ్ నిర్మిస్తున్న ఈ చిత్రాన్ని మూడు భాషల్లో భారీ బడ్జెట్‌తో తెరకెక్కించాలని నిర్ణయించిన విషయం తెలిసిందే. ఈ నేపథ్యంలో మూడు భాషల్లోని ప్రేక్షకులకు కనెక్ట్ అయ్యేలా ఉండడం కోసం టైటిల్‌ను మార్చాలని నిర్ణయించారట.

త్వరలోనే సెట్స్‌పైకి

ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ చిత్రం త్వరలోనే సెట్స్‌పైకి వెళ్లనుంది. చిరు జన్మదినం కంటే ముందే స్వాతంత్ర్యదినోత్సవం రోజే షూటింగ్ ప్రారంభిస్తారని ఇటీవల వార్తలు వచ్చాయి. ఇన్ని సంవత్సరాల గ్యాప్ తర్వాత కూడా తన స్టామినా ఏమాత్రం తగ్గలేదని నిరూపించాడు మెగా స్టార్ ఇక ఈ సినిమా కూడా హిట్ కొడితే గనక చిరూ రెండో ఇన్నింగ్స్ కి తిరుగులేనట్టే...