బాలకృష్ణని టార్గెట్ చేసుకున్న మెగా బ్రదర్స్....

Updated: Thursday, April 28, 2016, 19:54 [IST]

మెగా బ్రదర్స్ ఇద్దరూ కలిసి మరో టాప్ స్టార్ బాలయ్యని కార్నర్ చేస్తున్నారా..? ఈ సారి సంక్రాంతికి ఈ ముగ్గురు స్టార్ల సమరం తప్పదా.... ఒకవేళ ఈ ముగ్గురూ తలపడితే గెలుపెవరిది? ఈ సారి రాబోయే సంక్రాంతి సీనియర్ హీరోల మధ్య బాక్సాఫీసు యుద్దంలా మారే అవకాశం ఉంది అని అంటున్నారు సినీ జనాలు.

బాలకృష్ణ నటిస్తున్న 100వ సినిమా 'గౌతమీపుత్ర శాతకర్ణి' కి ఈ మధ్యనే ముహూర్తం కూడ జరిగిపోయి రెగ్యులర్ షూట్ కు రెడీ అవుతూ బాలకృష్ణకు బాగా కలిసి వచ్చే సంక్రాతిని టార్గెట్ చేస్తూ చిత్రీకరణ జరుపుకుంటోంది. డైరెక్టర్ క్రిష్ ఎట్టి పరిస్తుతులలోను ఈ సినిమాను సంక్రాంతికి విడుదల చేయడానికి ప్రయత్నిస్తున్నాడు ఇక బాలయ్య అయితే ఈసినిమా కోసం తన వెయిట్ తగ్గడానికి ప్రొటీన్ షేక్, సలాడ్స్ తీసుకుంటూ ఫిట్ నెస్ మీద ప్రత్యేక శ్రద్ధ పెట్టాడు.

చిరంజీవి కుడా తన 150వ సినిమా 'కత్తిలాంటోడు'ను 29 న పూజా కార్యక్రమాలు చేసి మొదలు పెట్టి, జూన్ నుంచి నిర్విరామంగా షూటింగ్ చేసి అన్ని కుదిరితే తాను కూడ సంక్రాతి రేస్ కు రెడీ కావాలి అనే ఆలోచన చేస్తున్నట్లు తెలుస్తోంది. ఈ సందర్భంగా చిరంజీవి రీఎంట్రీని గ్రాండ్ లెవెల్‌లో చూపించేలా సినిమాటోగ్రాఫర్ గా రత్నవేలుని భారీ పారితోషికం ఇచ్చి ఈసినిమాకు ఎంపిక చేసినట్లు వార్తలు వస్తున్నాయి.

పవన్‌కల్యాణ్ విషయానికొస్తే ఎస్.జె. సూర్య డైరెక్షన్‌లో కొత్తమూవీ నిన్న హైదరాబాద్‌లో పూజా కార్యక్రమాలు నిర్వహించడంతో పాటు ఈ సినిమాను కూడ సంక్రాతికి విడుదల చేసి 'సర్దార్' వల్ల వచ్చిన నష్టాన్ని పూడ్చాలని ప్రయత్నిస్తున్నాడు.

ఈ ముగ్గురు హీరో లూ సంక్రాంతికే తలడే పరిస్థితి వస్తే బాక్సాఫీసు పోరు మరింత రసవత్తరంగా మారనుంది.