twitter
    For Quick Alerts
    ALLOW NOTIFICATIONS  
    For Daily Alerts

    మరణానికి చేరువులో మైఖేల్‌ జాక్సన్‌!

    By Staff
    |

    Michael Jackson
    పాప్‌ ప్రపంచ రారాజు మైఖేల్‌ జాక్సన్‌(50) అంపశయ్యపై ఉన్నారు. అరుదైన వూపిరితిత్తుల వ్యాధితో బాధపడుతూ.. మృత్యువుతో పోరాడుతున్నారు. ఆయనకు అత్యవసరంగా వూపిరితిత్తుల మార్పిడి శస్త్రచికిత్స నిర్వహించాల్సి ఉన్నా.. జాక్సన్‌ బలహీనంగా ఉండటంతో వైద్యులు ఏమీ చేయలేకపోతున్నారు. ఆయనిక కొన్ని రోజుల అతిథేనని 'సండే ఎక్స్‌ప్రెస్‌' కథనం తెలిపింది. మైఖేల్‌ ఆత్మకథ రాస్తున్న రచయిత ఇయాన్‌ హాల్‌పెరిన్‌ను ఉటంకిస్తూ ఈ కథనాన్ని ప్రచురించింది. పరిశోధనాత్మక జర్నలిస్టుగా పనిచేసిన ఇయాన్‌ గతంలో పలు పురస్కారాలను గెలుచుకున్నారు. జాక్సన్‌ ఆల్ఫా-1 యాంటీట్రైప్సిన్‌ లోపంతో బాధపడుతున్నారని ఆయన తెలిపారు.

    ఈ జన్యుపరమైన రుగ్మత ముదిరితే ప్రాణాలకే ప్రమాదమన్నారు. మైఖేల్‌ ఆరోగ్య పరిస్థితి క్షీణించిందని, మాట్లాడే పరిస్థితిలో కూడా లేరని చెప్పారు. ఆయన ఎడమ కన్ను చూపు 95 శాతం పోయిందని తెలిపారు. ''వెంటనే వూపిరితిత్తిని మార్చాలి. అయితే ఆపరేషన్‌కు ఆయన శరీరం సహకరించడం లేదు. చాలా బలహీనంగా ఉన్నారు'' అని పేర్కొన్నారు. దీంతోపాటు ఎంఫిసెమా, పేగుల్లో రక్తస్రావంతో బాధపడుతున్నారని చెప్పారు. ''వీటి వల్ల వ్యాధి మరింత ముదిరింది. పేగుల్లో రక్తస్రావమే అన్నింటికన్నా ప్రమాదకరం. దాన్ని నిరోధించడానికి వైద్యులు ప్రయత్నిస్తున్నా, పూర్తిస్థాయిలో విజయవంతమవలేకపోతున్నారు. ఇది జాక్సన్‌ ప్రాణాలు తీయవచ్చు'' అని ఇయాన్‌ తెలిపారు. ఎంఫిసెమా వూపిరితిత్తులపై ప్రభావం చూపుతుంది. తద్వారా రోగికి శ్వాస పీల్చుకోవడం కష్టమవుతుంది. ధూమపానం చేసేవారిలో ఇది ఎక్కువగా కనిపిస్తుంది. అయితే మైఖేల్‌ సిగరెట్‌ తాగరు.

    ''జాక్సన్‌ తరహా పరిస్థితి ఐదు వేల మంది అమెరికన్లలో ఒకరికి మాత్రమే ఎదురవుతుంది. దీనికి చికిత్స చేయడం కష్టమైన పని. ఎందుకంటే అనుబంధంగా అనేక ఆరోగ్య సమస్యలు చుట్టుముడుతుంటాయి'' అని పేర్కొన్నారు. చాన్నాళ్ల నుంచి ఆయనీ సమస్యలతో బాధపడుతున్నారని చెప్పారు. వ్యాధి ముదరకుండా ఉండేందుకు తన వ్యక్తిగత వైద్యుల సలహా మేరకు గతంలో పలు చికిత్సలను తీసుకున్నారని తెలిపారు. ఇయాన్‌ ప్రకటనపై వ్యాఖ్యానించడానికి మైఖేల్‌ జాక్సన్‌ అధికార ప్రతినిధి నిరాకరించారు. అయితే జాక్సన్‌ సోదరుడు జెర్మైన్‌ మాత్రం తీవ్రమైన ఆరోగ్య సమస్యలున్న విషయాన్ని పరోక్షంగా అంగీకరించారు. ''ఆయన పరిస్థితి ఇప్పుడేం బాగోలేదు. ఇది దురదృష్టకరమైన సమయం'' అని 'ఫాక్స్‌ టీవీ న్యూస్‌'తో అన్నారు.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X