»   »  కొడుకు హీరో...తండ్రి విలన్...

కొడుకు హీరో...తండ్రి విలన్...

Posted By:
Subscribe to Filmibeat Telugu
Mohan Babu
ఎప్పుడో ...ఎక్కడో గాని సంభవించని ఈ అరుదైన కాంబినేషన్ మోహన్ బాబు సొంత సినిమాలో జరగబోతోంది. విలన్ గా, క్యారెక్టర్ ఆర్టిస్టుగా, హీరోగా తనకంటూ ప్రత్యేక గుర్తింపు తెచ్చుకున్న నటుడు మోహన్ బాబు. ఆయన కొద్దికాలం గ్యాప్ తీసుకుని 'యమదొంగ' చిత్రంతో మళ్ళీ లైమ్ లైట్ లోకి వచ్చారు. తరువాత ప్రభాస్ 'బుజ్జిగాడు' లో శివన్న లో స్పెషల్ మేనరిజం, సిల్లీఫెలో అనే ఊత పదంతో కిక్కిచ్చారు. దాంతో ఆయనకు వరసగా నెగిటివ్ రోల్స్ ఆఫర్స్ వస్తున్నాయి.

తాజాగా ఆయన మహేష్ బాబు సినిమాకీ విలన్ గా కమిటయ్యారు. అలాగే ఆయన కుమారుడు విష్ణువర్ధన్ హీరోగా వై.వి.యస్.చిత్రం 'సలీం...దుమ్ము రేపుతాడు' లోనూ ఆయన విలన్ గా కనపడతారని తెలుస్తోంది. ఆగష్టు లో ప్రారంభమయ్యే ఈ సినిమాలో ఆయన పూర్తిస్ధాయి నెగిటివ్ గా షేడ్స్ తో ఢిఫెరెంట్ గా చూపించబోతున్నారని అంటున్నారు. గతంలోనూ విష్ణుతో ఆయన 'గేమ్' అనే చిత్రం చేసారు. కాని ఆ చిత్రం డిజాస్టర్ ఫలితాన్నిచ్చింది. కానీ ...స్క్రిప్టు బలంతో వై.వి.యస్ కసితో చేస్తున్న చిత్రం కాబట్టి పాజిటివ్ ఫలితాన్ని ఎక్సపెక్ట్ చేయవచ్చు. ఈ సినిమా కోసం విష్ణు బరువు తగ్గి సగం అయ్యాడు.

 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

X