ఈ వీకెండ్ రిలీజవుతున్న సినిమాలు ఇవే...

శ్రీయ టైటిల్ రోల్‌లో జనార్ధన మహర్షి దర్శకత్వం వహిస్తున్న చిత్రం ‘పవిత్ర'. ఉప శీర్షిక ‘ఎ బోల్డ్ అండ్ గోల్డ్ ఫిల్మ్'. కె. సాదక్ కుమార్, జి. సాయి మహేశ్వర రెడ్డి నిర్మిస్తున్న ఈ చిత్రం షూటింగ్ పూర్తి చేసుకుని విడుదకు సిద్ధం అవుతోంది. జూన్ 7న తేదీన ఈచిత్రాన్ని విడుదల చేసేందుకు సన్నాహాలు చేస్తున్నారు.

‘ఎస్ఎంఎస్' చిత్రం ద్వారా హీరోగా పరిచయమైన సుధీర్ బాబు తాజాగా ‘ప్రేమకథా చిత్రమ్' ద్వారా ప్రేక్షకుల ముందుకు రాబోతున్న సంగతి తెలిసిందే. కెమెరామెన్ జె.ప్రభాకర్‌రెడ్డి తొలిసారిగా దర్శకత్వం వహిస్తూ ఆర్.పి.ఎ. క్రియేషన్స్, మారుతీ టాకీస్ పతాకంపై సుదర్శన్‌రెడ్డి, మారుతి సంయుక్తంగా ఈ చిత్రాన్ని నిర్మిస్తున్నారు. నందిత కథానాయికగా నటిస్తున్న ఈ చిత్రం ఈనెల 7న విడుదలకు సిద్ధమైంది.

శ్రీకాంత్ రాఘవ, ధీరజ్, వరుణ్ అభిషయ్, శంకర్ యస్. హీరోలుగా నటిస్తున్న చిత్రం 'థియేటర్‌లో... నలుగురు'. మాంత్రిక్స్ మీడియా వర్క్స్ పతాకంపై సాయికిరణ్ ముక్కామల నిర్మిస్తున్న ఈ చిత్రానికి శ్రీనివాసరాజు దర్శకుడు. శ్వేతాపండిట్ నాయిక. కామెడిని మేళవించి కమర్షియల్ థ్రిల్లర్ గా దీన్ని రూపొందించారు. మౌళిక, బెనర్జీ, జూ. రేలంగి, రామ్‌సుభాష్, వీరభద్రం, శ్రుతి, నాగేశ్వరరావు, తేజ, రాజా, సుధీర్ తారాగణమైన ఈ చిత్రానికి ఛాయాగ్రహణం: యస్.డి. జాన్, కూర్పు: యస్.ఆర్. శేఖర్, కళ: నాగేంద్ర, స్టంట్స్: నందు, సహ నిర్మాత: దీప్తి, కథ, స్క్రీన్‌ప్లే, మాటలు, దర్శకత్వం: శ్రీనివాసరాజు.

ప్రముఖ హాలీవుడ్ చిత్రనిర్మాణ సంస్థ కొలంబియా పిక్చర్స్ నిర్మించిన After Earth అనే చిత్రం తెలుగులో ‘1000 సంవత్సరాల తర్వాత మరో భూప్రపంచం' పేరుతో విడుదల చేస్తున్నారు. కరాటే కిడ్ చిత్రంలో మెరుపు వేగంతో ఫైట్ చేసిన 12 ఏళ్ల వండర్ కిడ్ Jaden SMith ఈచిత్రంలో చేసే విన్యాసాలు ఆకట్టుకుంటాయి.