ఎంఎస్ నారాయణ ‘క్రేజీవాలా’ ప్రారంభం (ఫోటోలు)

దర్శకుడు మాట్లాడుతూ...

ఇది పూర్తిగా పొలిటికల్ సినిమా. రాజకీయానికి సంబంధించని విమర్శ కాదు. వ్యంగాస్త్రం కూడా కాదు. కేవలం రాజకీయాలనే ప్రస్తావించే సినిమా. అసలు రాజ్యాంగం అంటే ఏమిటి? ఏ ఉద్దేశ్యం మీద రాజ్యాంగం ఉంది. దాన్ని ఎలా ఉపయోగించుకుంటే పాలన సక్రమంగా ఉంటుంది? ప్రస్తుత పరిస్థితులు ఎలా ఉన్నాయి. ఎలాంటి మార్పు కావాలి అనే అంశాలతో ఓటర్లకు అవగాహన కల్పించే విధంగా సినిమా ఉంటుందని తెలిపారు.

ఎంఎస్ నారాయణ మాట్లాడుతూ...

ఈ చిత్రం కాంటెంపరరీ సమస్యలతో తెరకెక్కిస్తున్న సినిమా. ఇందులో ప్లాబ్లం చెప్పి, సొల్యూషన్ కూడా చెబుతారు. ఓటర్లలో ప్రగతిని తీసుకురావడానికి తెరకెక్కిస్తున్నాం అన్నారు.

దర్శక నిర్మాతలు

సౌండ్ ఎన్ క్లాప్ బ్యానర్లో ఈ చిత్రం తెరకెక్కబోతోంది. ఈ చిత్రానికి మోహన ప్రసాద్ దర్శకత్వం వహించబోతున్నారు. ఈ చిత్ర కథను కూడా ఆయనే సిద్ధం చేసుకున్నారు. జి విజయ్ కుమార్ గౌడ్ నిర్మాత.

ఆకట్టుకుంటున్న ఎంఎస్ నారాయణ

ఎంఎస్ నారాయణ కేజ్రీవాల్ గెటప్పులో అందరినీ ఆకట్టుకుంటున్నాడు. సినిమా పూర్తి వినోదాత్మకంగా సాగుతుందని తెలుస్తోంది. కేజ్రీవాల్‌పై పేరడీగా ఈ సినిమా వస్తుండటంతో అందరిలోనూ ఆసక్తి నెలకొంది.

నటీనటులు

ఈ నెల 24 నుండి రెగ్యులర్ షూటింగ్ మొదలువుతుంది. నాగబాబు, పరుచూరి గోపాలకృష్ణ, షఫి, ఖడ్గం పృథ్విరాజ్, గౌతం రాజు, ఉత్తేజ్ ఇతర పాత్రధారులు. కెమెరా: భరణి కె.ధరణ్, సంగీతం: సునీల్ కశ్యప్, ఆర్ట్: కృష్ణ, ఎడిటర్: రమేష్, ఎగ్జిక్యూటివ్ నిర్మాత: బాలాజీ శ్రీను.