విజయశాంతి నోర్మూసుకో.. మ్యూజిక్ డైరెక్టర్ వార్నింగ్

అప్పట్లో జయలలితతో సన్నిహితంగా..

అన్నాడీఎంకే అధినేత్రి జే జయలలిత బతికి ఉన్న సమయంలో విజయశాంతికి ఆమెతో సన్నిహిత సంబంధాలుననాయి. జయ మరణాంతరం తమిళ రాజకీయాల్లో వేగంగా మార్పులు సంభవించాయి. ఊహించని మార్పులు చోటుచేసుకొన్నాయి.

సంక్షోభంలో చిన్నమ్మ శశికళకు మద్దతు

తమిళనాడు రాజకీయాలు అత్యంత వివాదాస్పదమైన సమయంలో అన్నాడీఎంకే ప్రధాన కార్యదర్శి శశికళకు విజయశాంతి మద్దతు తెలిపారు. చిన్నమ్మకు అండగా ఉండటం తన కర్తవ్యం అని పేర్కొన్నారు. 122 ఎమ్మెల్యేల మద్దతు ఉన్న ఆమె సీఎం పదవికి అర్హులని పేర్కొన్నారు.

పన్నీరు సెల్వం రాష్ట్రానికి పట్టిన దుష్టశక్తి

అన్నాడీఎంకే తిరుగుబాటు కూటమికి నాయకత్వం వహిస్తున్న పన్నీర్ సెల్వంను దుష్టశక్తి అని విజయశాంతి అభివర్ణించింది. అన్నాడీఎంకే పాలనకు గండి కొట్టడానికి ఓపీఎస్ వర్గం ప్రయత్నిస్తున్నదని ఆరోపించింది. 122 మంది ఎమ్మెల్యేలను రక్షించుకోవడానికి శశికళ చేస్తున్న ప్రయత్నాలను సమర్థించింది. చిన్నమ సీఎం కావడమే తన ఏకైక లక్ష్యమని పేర్కొన్నది.

విజయశాంతి ఏమైనా పొలిటికల్ లెజెండా

విజయశాంతి చేసిన వ్యాఖ్యలపై తమిళ మ్యూజిక్ డైరెక్టర్ జేమ్స్ వసంతన్ భగ్గుమన్నారు. ప్రస్తుత పరిస్థితుల్లో రెచ్చగొట్టేలా మాట్లాడటం తగదని వార్నింగ్ ఇచ్చారు. ‘విజయశాంతి ఏమైనా పొలిటికల్ లెజెండ్ అనుకొంటున్నారా? విజయశాంతికి ఏమైనా అభిప్రాయాలుంటే ఆమె రాష్ట్రంలో చెప్పుకోమను. ఇది సినిమా కాదు. తమిళ ప్రజల భవిష్యత్తు' అని ఆయన తీవ్రంగా స్పందించారు.