మళ్లీ బుక్కైన నాగబాబు.. పోస్ట్ డిలీట్ చేస్తూ సర్దుకున్న మెగా బ్రదర్

అదో అలవాటు..

నాగబాబు ఈ మధ్య సోషల్ మీడియాలో ఫుల్ యాక్టివ్ అయ్యాడు. తనకు తెలిసిన వాళ్లు సినీ రాజకీయ క్రీడా ప్రముఖులకు బర్త్ డే విషెస్ చెబుతూ వారి గురించి తనకు తెలిసినవన్నీ చెబుతూ ఓ పోస్ట్ వేస్తున్నాడు. ఇందులో తప్పేమీ లేదు. అది హర్షించదగ్గ విషయమే. కానీ ఇలా చేస్తున్న క్రమంలోనే చిన్న తప్పులు చేస్తున్నాడు.

ఫోటో మారింది..

మొన్న కపిల్ దేవ్ బర్త్ డే. ఈ క్రమంలో కపిల్ దేవ్‌కు విషెస్ చెబుతూ.. రణ్ వీర్ సింగ్ ఫోటోను షేర్ చేశాడు. కపిల్ దేవ్ బయోపిక్‌గా తెరకెక్కిన 83 సినిమాలోని రణ్ వీర్ పోస్టర్‌ను నాగబాబు షేర్ చేయడంతో అందరూ ట్రోల్ చేశారు. ఈ క్రమంలో వెంటనే తప్పు తెలుసుకుని పోస్ట్ డిలీట్ చేశాడు.

తాజాగా ఇలా..

తాజాగా నాగబాబు అల్లు అరవింద్‌కు పుట్టిన రోజు శుభాకాంక్షలు తెలిపాడు. నేడు అల్లు అరవింద్ బర్త్ డే అంటూ ఆయన గురించి ఓనాలుగు మాటలు గొప్పగా చెప్పాడు. అక్కడితో అంతా బాగానే ఉంది. కానీ ఆ తరువాత సుకుమార్ బర్త్ డే అని మరో పోస్ట్ చేశాడు. అక్కడే అసలు తప్పు జరిగింది.

సుకుమార్ బర్త్ డే అంటూ..

సుకుమార్ బర్త్ డే అంటూ నాగబాబు ఆయన గురించి కూడా ఎంతో గొప్పగా చెప్పాడు. స్కూల్‌లో టీచర్ ఉద్యోగం మానేసి .. టాలీవుడ్‌కు సినిమాలు ఎలా తీయాలో నేర్పించాలని మనసులో నిశ్చయించుకున్నాడని నాకు అనిపిస్తుందంటూ నాగబాబు ట్వీట్ చేశాడు. సుకుమార్ గురించి నాగబాబు గొప్పగా చెప్పడం కూడా బాగానే ఉంది. కానీ ఈ రోజు సుకుమార్ బర్త్ డే కాదని నాగబాబు ఆలస్యంగా తెలుసుకున్నాడు.

Recommended Video

Madagaja Telugu Teaser Release On New Year

పోస్ట్ డిలీట్..

సుకుమార్ బర్త్ డే రేపు (జనవరి 11). కానీ నేడు సుకుమార్ బర్త్ డే అని పొరబడి ముందుగానే పోస్ట్ చేశాడు. నెటిజన్లు కామెంట్లతో ట్రోల్ చేసేసరికి నాగబాబు ఆ పోస్ట్‌లను డిలీట్ చేశాడు. ఇలా పోస్ట్ డిలీట్ చేయడంతోనే అది అందరి దృష్టిలో పడింది. ఫేస్ బుక్, ఇన్ స్టా, ట్విట్టర్ ఇలా అన్నింట్లోనూ పోస్ట్ డిలీట్ చేసేశాడు. కానీ అంతలోపే స్క్రీన్ షాట్లు నెట్టింట్లో వైరల్ అయ్యాయి.