పబ్‌లో తాగుతూ మాట్లాడుకుందాం: విజయ్ దేవరకొండకు చై చిల్లింగ్ వెల్‌కం!

పబ్‌లో తాగుతూ మాట్లాడుకుందాం

నాగచైతన్య మాట్లాడుతూ "ఇక్కడికి వచ్చిన మిస్టర్ రౌడీకి థాంక్యూ సో మచ్. నువ్వు నీ స్టోరీ చెబుతుంటే.. ఇన్‌స్పైరింగ్‌గా అనిపించింది. త్వరలో పబ్‌లో క‌లిసి ఒక మంచి డ్రింక్‌ తాగుతూ మాట్లాడుకుందాం... అంటూ విజయ్ దేవరకొండను ఉద్దేశించి నాగ చైతన్య చిల్లింగ్ వెల్ కం చెప్పారు.

మీరంతా మా ఫ్యామిలీ

అక్కినేని అభిమానులంతా కేవలం ఫ్యాన్స్ కాదు మీరంతా మా కుటుంబం. ఇది తాతగారు ప్రారంభించిన జర్నీ. అక్కడ మీరు అందుకున్నారు. నాన్నకి సపోర్ట్ ఇచ్చారు. అఖిల్‌కి సపోర్ట్ ఇచ్చారు. నాకు ఇచ్చారు. సుశాంత్, సుమంత్.. అందరికీ ఇచ్చారు. జనరేషన్స్ మారుతున్నాయి కానీ.. మీ సపోర్ట్ మారలేదు. ఇంకా పెరుగుతూ ఉంది. థాంక్యూ. కొన్ని కొన్నిసార్లు మిమ్మల్ని డిజప్పాయింట్ ఇస్తా. కొన్ని కొన్నిసార్లు ఎనర్జీ ఇస్తా. కానీ వాటితో సంబంధం లేకుండా మనమంతా ఎప్పుడూ ఇలా కలిసి ఉండాలి. అభిమానులకు అభిమానులు మా అక్కినేని అభిమానులు. ప్రతి సినిమా మీకు నచ్చాలనే సిన్సియర్‌గా చేస్తాను... అంటూ నాగ చైతన్య వ్యాఖ్యానించారు.

ఈ సినిమాలో అన్నీ ఉంటాయి

నాకంటే ఎక్కువ ఈ సినిమాకు చందూ మొండేటి సిన్సియ‌ర్‌గా చేశాడు. సినిమా ఒక యూనిక్ పాయింట్ చుట్టూ తిరుగుతున్నా కావలసిన కమర్షియల్ ఎలెమెంట్స్ అన్ని యాడ్ చేసి ఒక అల్ రౌండ్ మూవీ చేశాడు. 'ప్రేమమ్' అనే లవ్ స్టోరీతో మిమ్మల్ని ఎలా ఎంట‌ర్‌టైన్‌ చేశాడో...'సవ్యసాచి' అనే ఒక కమర్షియల్ మూవీతో అలాగే మిమ్మల్ని ఎంట‌ర్‌టైన్‌ చేయబోతున్నాడు. ఈ విషయంలో నాకు పూర్తి కాన్ఫిడెన్స్ ఉంది... అని నాగ చైతన్య చెప్పుకొచ్చారు.

నాకు దక్కిన గౌరవం

కీరవాణిగారు తాతగారితో, నాన్నతో చేశారు. అలాంటి వ్యక్తిలో పని చేయడం నాకు దక్కిన గౌరవం. నాన్న ఎప్పుడూ మీతో పని చేసిన జ్ఞాపకాలను చెబుతూ ఉంటారు. అవి వింటూ ఉంటే ఎంతో గొప్పగా అనిపించేది. ఫైనల్‌గా ఇపుడు మీతో పని చేసే అవకావం దక్కింది... అని నా గ చైతన్య వ్యాఖ్యానించారు.

ఆయన కోసం అమ్మాయిలు ఫోన్లు

మ్యాడీ గురించి మాట్లాడలంటే... ఏ సినిమా షూటింగుకు వెళ్తున్నప్పుడు నాకు ఇంత మంది అమ్మాయిలు ఫోన్ చేయలేదు. మేము షూటింగుకు రావొచ్చు, మ్యాడీని చూడొచ్చా అని అడిగేవారు. ఆయన్ను స్కూల్ డేస్ నుంచి చూస్తున్నాం. ఆయనకు ఉన్న ఫాలోయింగ్ ఏ మాత్రం తగ్గలేదు. మాధవన్ ఈ సినిమాలో భాగం కావడం నాకు, చందూకు మరింత కాన్ఫిడెన్స్ ఇచ్చింది అని నాగ చైతన్య చెప్పుకొచ్చారు.