సమంతను అలా చూడలేకపోయాను. చాలా ఇబ్బందిగా ఉంది.. నాగార్జున

లాయర్‌గా సమంత

ఈ చిత్రంలో సమంత ఆత్మ పాత్రను పోషిస్తున్నారు. అయితే ఆత్మగా మారడానికి ముందు సమంత ఓ లాయర్. అయితే లాయర్‌ వృత్తిని నిర్వహించే సమంత పాత్ర ఎందుకు చనిపోయింది అనేది ఈ చిత్రంలో కీలక అంశం. ఈ చిత్రంలో సమంత పాత్ర ప్రేక్షకులను భావోద్వేగానికి గురిచేసే విధంగా ఉంటుంది అని ప్రచారం జరుగుతున్నది. ఆ చిత్రంలో లాయర్ పాత్రకు సంబంధించిన సమంత ఫోటో ఇంటర్నెట్‌లో వైరల్‌గా మారింది.

చిన్మయి కంటతడి

రాజుగారి గది2 చిత్రంలో సమంత పాత్రకు డబ్బింగ్ చెప్పిన చిన్మయి ఓ దశలో కంటతడి పెట్టుకొన్నదట. సమంత పాత్ర నన్ను హృదయాన్ని తాకింది అని చిన్మయి ఇటీవల ట్వీట్ చేశారు. అంతేకాకుండా సమంత ఆత్మతో చేసిన సీన్లు ఆకట్టుకునే విధంగా ఉంటాయని నాగార్జున ఇటీవల ఇంటర్వ్యూలో చెప్పారు.

సమంతను అలా చూడలేకపోయాను

దెయ్యం పాత్రలో నటించిన సమంతను అలా చూడలేకపోయాను. తెర మీద సమంతను చూడటం చాలా ఇబ్బందిగా అనిపించింది. చైతూ అసలు రాజుగారి గది చిత్రాన్ని చూడను అని తనతో చెప్పాడు అని నాగార్జున వెల్లడించారు.

మెంటలిస్టుగా నాగార్జున

రాజుగారి గది2 చిత్రంలో నాగార్జున మెంటలిస్టుగా నటిస్తున్నారు. ఎదుటి వ్యక్తుల్లో ఉండే విషయాలను పసిగట్టే పాత్రను నాగ్ పోషించారు. ఈ పాత్ర కోసం నాగార్జున పలువురు మెంటలిస్టులను, కొన్ని పరిశోధనలను కూడా చేశారు.

అతిథి పాత్రలో కాజల్

రాజుగారి గది2 చిత్రం మలయాళంలో వచ్చిన చిత్రానికి ఆధారం. ఈ చిత్రంలో నాగార్జున, సమంతతోపాటు వెన్నెల కిషోర్, సీరత్ కపూర్, అశ్విన్ బాబు నటించారు. అయితే కాజల్ అగర్వాల్ అతిథి పాత్రలో నటించిందనే ప్రచారం జరుగుతున్నది.