బిఎ జయ దర్శకత్వంలో నాగార్జున

హైదరాబాద్: చంటిగాడు, లవ్లీ చిత్రాలకు దర్శకత్వం వహించిన మహిళా దర్శకురాలు బిఎ జయ త్వరలో నాగార్జునతో సినిమా చేయబోతున్నారు. ఈ విషయాన్ని ఆమె స్వయంగా ప్రకటించారు. నాగార్జున తనతో చేయడానికి ఓకే చెప్పారని, ఇప్పటి వరకు ఎప్పుడూ నాగార్జునను చూడని పాత్రలో ఆయన్ను చూపించబోతున్నామని, ప్రస్తుతం అందుకు సంబంధించిన స్క్రిప్టు డెవలపింగ్ దశలో ఉందని తెలిపారు.

ప్రస్తుతం జయ ‘వైశాఖం' పేరుతో ఓ సినిమా చేస్తున్నారు. ఈ చిత్రాన్ని ఆమె భర్త, ప్రముఖ పిఆర్ఓ బిఎ రాజు నిర్మిస్తున్నారు. ఈ చిత్రాన్ని అందరూ కొత్త నటీనుటలతో ప్లాన్ చేస్తున్నారు. అచ్చమైన తెలుగు వాతావరణంతో కూడిన చిత్రంగా వినోదాత్మకంగా ఈ చిత్రాన్ని తెరకెక్కిస్తున్నట్లు తెలిపారు. ప్రస్తుతం ఈ చిత్రానికి సంబంధించిన ఆడిషన్స్ జరుగుతున్నాయి. త్వరలోనే సినిమా ప్రారంభం కాబోతోంది.

ఈ సినిమా గురించి నిర్మాత బిఎ రాజు మాట్లాడుతూ.... లవ్‌ లీ తర్వాత వస్తున్న మంచి ఫిల్ గుడ్‌ సినిమా, అందరిని ఆకట్టుకునేలా సినిమా ఉంటుందన్నారు. ఇంతకాలం మా ఆర్‌జె బ్యానర్‌లో వచ్చిన సినిమాలను ఆదరించిన ప్రేక్షకులు ఈ సినిమాను కూడా ఆదరిస్తాన్న విశ్వాసాన్ని ఆయన వ్యక్తం చేశారు.