ఇద్దరు లెజెండ్స్.. ఇదో రేర్ ఫోటో: అప్పట్లో ఎన్టీవోడు.. నాగేశ్వరరావు..

నాగ్ ట్వీట్.. 'అరుదైన ఫోటో':

'గతానికి సంబంధించి ఇదో బ్లాస్ట్!! లెజెండ్స్ ఎన్టీఆర్&ఏఎన్నార్.. ఆ ఎడమ పక్కన ఉన్నది కేబీఆర్ పార్క్ గోడ, కుడివైపున అన్నపూర్ణ స్టూడియో. మధ్యలో ఆ రోడ్డు ఇప్పుడున్న జూబ్లీ చెక్ పోస్టు వైపు వెళ్లే మార్గం..' అంటూ నాగ్ ట్వీట్ చేశారు. లెజెండ్స్ పేర్లను తలుచుకుంటూ గౌరవసూచకంగా ట్వీట్ లో వారికి నమస్కారం కూడా పెట్టారు నాగ్.

ఎప్పటిదీ ఫోటో:

నాగ్ షేర్ చేసిన ఈ ఫోటో సోషల్ మీడియాలో వైరల్ గా మారింది. అయితే ఈ ఫోటో ఏ సినిమాకు సంబంధించినది? అన్నదానిపై మాత్రం క్లారిటీ లేదు. బహుశా.. 1978లో విడుదలైన 'రామకృష్ణులు' సినిమాకు సంబంధించిన స్టిల్ అయి ఉండవచ్చునని నెటిజెన్స్ అభిప్రాయపడుతున్నారు.

అప్పటికీ.. ఇప్పటికీ..:

ఒకవేళ ఈ ఫోటో 'రామకృష్ణులు' సినిమాకు సంబంధించినదే అయితే.. 30ఏళ్ల క్రితం నాటికి ఇప్పటికీ ఎంత తేడా అనిపించకమానదు. ఒకప్పుడు అంత ఖాళీగా కనిపిస్తున్న ఆ స్థలంలో ఇప్పుడు ఎటూ చూసినా పెద్ద పెద్ద భవనాలే. అప్పటికీ ఇప్పటికీ పరిస్థితులు కూడా చాలా మారిపోయాయి.

నాగేశ్వరరావు కృషిని గుర్తుచేసుకుంటున్నారు:

ఈ ఫోటోను చూశాక.. సినీ ఇండస్ట్రీ చెన్నై నుంచి హైదరాబాద్ రావడంలో నాగేశ్వరరావు చేసిన కృషిని కొంతమందిని ప్రత్యేకంగా గుర్తుచేసుకుంటున్నారు. ఆరోజుల్లో ఆయన ధైర్యం చేసి హైదరాబాద్ రాబట్టే.. ఆ తర్వాత ఒక్కొక్కరుగా చెన్నై నుంచి తరలివచ్చారని గుర్తుచేస్తున్నారు.

పరిశ్రమకు రెండు కళ్లు..:

ఎన్టీఆర్&ఏఎన్నార్ కలయికలోని ఈ రేర్ ఫోటో అభిమానులను విపరీతంగా ఆకట్టుకుంటోంది. ఇలాంటి ఫోటోను షేర్ చేసినందుకు కింగ్ నాగార్జునకు ఫ్యాన్స్ థ్యాంక్స్ చెబుతున్నారు. పరిశ్రమకు రెండు కళ్ల లాంటి ఈ ఇద్దరు అన్నీ వర్గాల మెప్పు పొంది ఆ స్థాయికి ఎదిగారని, వారి స్థానం చరిత్రలో సుస్థిరంగా నిలిచిపోతుందని చెబుతున్నారు.