రామ్ చరణ్ ఫేసే బుక్ కు స్పెషల్ నోటిఫికేషన్ వచ్చింది, అదేమిటంటే.. (వీడియో)

హైదరాబాద్‌: అందరికీ నమస్కారం, నా ఫేస్ బుక్ కు ఒక చిన్న నోటిఫికేషన్ వచ్చింది అదేంటో మనం చూద్దాం అంటూ రామ్ చరణ్ ఆసక్తిగా మనల్ని పిలుస్తూ తన ఫేస్ బుక్ పేజిని ఓపెన్ చేసారు. ఇంతకీ ఆ నోటిఫికేషన్ ఏమిటి, దేని గురించి ఈ బిల్డప్ అనేది క్రింద చూడండి.

ప్రముఖ దర్శకుడు కృష్ణ వంశీ తాజాగా నక్షత్రం అనే సినిమా చేస్తున్న సంగతి తెలిసిందే. సందీప్ కిషన్, రెజీనా ప్రధాన పాత్రలలో నక్షత్రం అనే సినిమా తెరకెక్కుతుండగా ఈ మూవీపై అభిమానుల్లో ఫుల్ హైప్ క్రియేట్ చేసే ప్రయత్నం చేస్తున్నారు కృష్ణవంశీ. ఈ చిత్రానికి సంబంధించిన టెన్ లుక్స్ ని విడుదల చేస్తున్నామంటూ కృష్ణ వంశీ ఇటీవల ఓ వీడియో పోస్ట్ చేశాడు.

ఈ చిత్రం ఫస్ట్‌లుక్‌ను హీరో రామ్‌చరణ్‌ శనివారం విడుదల చేశారు. ఫస్ట్‌లుక్‌ బావుందంటూ.. మొత్తం యూనిట్‌ సభ్యులకు అభినందనలు తెలిపారు. ఈ వీడియోను కృష్ణ వంశీ తన ఫేస్‌బుక్‌ ఖాతా ద్వారా అభిమానులతో పంచుకున్నారు.

శ్రీ చక్ర మీడియా పతాకంపై కె. శ్రీనివాసులు, ఎస్‌. వేణుగోపాల్‌, సజ్జు 'నక్షత్రం' చిత్రాన్ని నిర్మిస్తున్నారు. ఈ చిత్రంలో సందీప్‌ కిషన్‌ సరసన రెజీనా నటిస్తున్నారు. సాయిధరమ్‌ తేజ్‌ చిత్రంలో పోలీసు అధికారిగా అతిథి పాత్రలో కనిపించనున్నారు.

సాయిధరమ్ పోలీస్ పాత్రలో కనిపించనుండగా ప్రగ్యా జైస్వాల్ కూడా ఓ కీలక పాత్ర పోషించనుంది. యంగ్ హీరో తనీష్ కూడా ఓ ముఖ్య పాత్రలో కనిపించనున్నాడని సమాచారం.

ఇక సందీప్ కిషన్ ఈ సినిమాలో ఓ కానిస్టేబుల్ గా కనిపించనున్నాడని తెలుస్తోంది. పోలీస్ అవ్వడమే ధ్యేయంగా ఎదిగిన ఓ కుర్రాడు మొదట కానిస్టేబుల్ గా తన కెరీర్ ను ఆరంభించి.. ఆ తర్వాత ఉన్నత స్థానానికి ఎదగడానికి ఎటువంటి సమస్యలు ఎదుర్కొన్నాడు అనేది "నక్షత్రం" చిత్ర కథాంశం అని తెలుస్తోంది!

ఈ మూవీలో కొన్ని యాక్షన్ సన్నివేశాల్ని డూప్స్ లేకుండా చేసిన సందీప్ ఓ కార్ ఛేజింగ్ సన్నివేశాన్ని చేసేందుకు ఎలాంటి సెక్యూరిటీ కోరలేదట. ఇందులో కార్లన్నీ 150 కి. మీ వేగంతో వెళుతుంటే సందీప్ తన కారుతో వాటికి ఎదురుగా వెళతాడట. ఈ సన్నివేశం సినిమాలో హైలెట్ గా ఉంటుందని తెలుస్తోంది. ఇక కొన్ని సన్నివేశాలలో సందీప్ మేకప్ లేకుండానే కనిపిస్తాడని సమాచారం.

అలాగే ఈ చిత్రంలో లంబాడీ పిల్ల గా రెజీనా కనిపించనుండగా.. ఆ పాత్రలో ఒదిగేలా స్పెషల్ కేర్ తీసుకుంటున్నాడు ఈ క్రేజీ డైరెక్టర్. ఏదేమైన మంచి కసితో ఈ సినిమా చేస్తోన్న కృష్ణవంశీ మంచి హిట్ కొడతాడని అంటున్నారు. ఇందులోని నటీనటులకు కూడా మంచి గుర్తింపు వస్తోందని అందరూ ఆసక్తిగా ఎదురుచూస్తున్నారు.