అరె! బాలకృష్ణ ఇలా మారిపోయాడేంటి? గుండుతో నందమూరి నటసింహం..

గుండు, బుర్ర మీసాలతో బాలయ్య

తెలుగుదేశం పార్టీ శాసనసభా పక్ష సమావేశానికి బాలకృష్ణ హాజరైన ఇలా కెమెరాకు చిక్కారు. గుండు గీయించుకుని, బుర్ర మీసాలతో సెంటర్ ఆఫ్ ద అట్రాక్షన్‌గా నిలిచారు బాలయ్య బాబు. గతంలో ఎప్పుడూ లేని విధంగా బాలయ్య ఇలా కనిపించడంతో ఈ లుక్ ఎందుకోసం అనే దానిపై చర్చలు ముదిరాయి.

చంద్రబాబు సమావేశం.. వెలుగులోకి బాలకృష్ణ న్యూ లుక్

సోమవారం ఆరంభమైన శాసనసభ ప్రత్యేక సమావేశాలను దృష్టిలో ఉంచుకుని.. తెలుగుదేశం పార్టీ సభాపక్ష నాయకుడు, మాజీ ముఖ్యమంత్రి చంద్రబాబు నాయుడు టీడీఎల్పీ సమావేశాన్ని ఏర్పాటు చేశారు. దీనికి బాలకృష్ణ హాజరయ్యారు. దీంతో ఆయన న్యూ లుక్ వెలుగులోకి వచ్చింది. కొత్త, కొత్తగా కనిపించిన బాలకృష్ణను తోటి ఎమ్మెల్యేలు పలకరించారు. ఈ మేరకు ఆయన కొత్త అవతారం గురించి ఆరా దీశారు.

పూర్తి భిన్నంగా తాజా గెటప్.. గతంతో పోల్చితే

బాలకృష్ణ గత సినిమా 'రూలర్' లో ట్రిమ్‌గా యంగ్ లుక్ లో కనిపించిన ఆయన ఒక్కసారిగా ఇలా మారిపోవడం చూసి జనం ఆశ్చర్యపోతున్నారు. గతంతో పోల్చితే తాజా గెటప్ పూర్తి భిన్నంగా ఉంది. దీంతో ఈ లుక్ బాలకృష్ణ తదుపరి సినిమా కోసమే అని, ఆయన నెక్స్ట్ ప్రాజెక్టులో ఇలానే కనిపించనున్నారని టాక్ మొదలైంది.

బాలయ్య లుక్‌పై బోయపాటి ఫోకస్

రూలర్ సినిమాతో ఆశించిన మేర ఫలితం రాబట్టని బాలకృష్ణ.. ఇక బోయపాటి శ్రీను దర్శకత్వంలో కొత్త ప్రాజెక్టు చేయబోతున్నారు. ఇందులో బాలయ్య లుక్ పై బోయపాటి ప్రత్యేక ఫోకస్ పెట్టినట్లుగా వార్తలు వచ్చాయి. అందుకే ఈ తాజా లుక్ చూసి నందమూరి నటసింహం గెటప్ ఇదేనంటూ చెప్పుకుంటున్నారు ప్రేక్షకులు.

బాలయ్య 106.. డైరెక్టర్ బోయపాటి

బాలయ్య 106వ సినిమాగా బోయపాటి దర్శకత్వంలో ఈ మూవీ ప్రేక్షకుల ముందుకు రానుంది. మిర్యాల రవీందర్ రెడ్డి నిర్మించిననున్న ఈ చిత్రానికి థమన్ సంగీత దర్శకుడిగా పని చేయనున్నాడు. బాలయ్య సరసన హీరోయిన్ కన్ఫర్మ్ చేయాల్సి ఉంది. అతి త్వరలో ఈ సినిమాకు సంబంధించిన వివరాలు ప్రకటించనున్నట్లు తెలుస్తోంది.