నా పేరు దొంగిలించాడు.. నానిపై కంప్లయింట్... సారీ చెప్పిన నేచురల్ స్టార్

సముద్ర తీరంలో నాని

సముద్ర తీరంలో నాని తన కుమారుడు అర్జున్‌తో కలిసి అందమైన సమయాన్ని ఆస్వాదిస్తున్నాడు. అర్జున్ 36 అనే టీషర్టును నాని ధరించగా, మా నాన్న నా పేరును దొంగిలించాడు (మై డాడ్ స్టోల్ మై నేమ్) అనే లైన్లు ఉన్న టీషర్టును ఆయన కుమారుడు జున్ను (అర్జున్) ధరించాడు. అయితే తన కొడుకు కంప్లయింట్‌ను సీరియస్‌గా తీసుకొన్న నాని.. సారీ రా జున్ను.. తప్పలేదు అంటూ ఆ ఫోటోను ట్విట్టర్‌లో షేర్ చేశాడు.

జెర్సీలో తన పాత్రకు కుమారుడు అర్జున్ పేరు

జెర్సీ సినిమాలో తన కొడుకు పేరును తాను పెట్టుకోవడం వెనుక కారణాలను తాజాగా మీడియాతో జరిగిన ఇంటర్వ్యూలో నాని వివరించారు. జెర్సీ చిత్రంలో నాని పేరు అర్జున్.. సినిమాలో కుమారుడిగా నటించిన బాలుడి పేరు నానిగా ఉంటుంది. ఈ చిత్రానికి సంబంధించిన కథను దర్శకుడు చెప్తు వెళ్తున్నాడు. మధ్యలో కథ చెప్పడం ఆపేసి.. నేను కథ రాసుకొన్నప్పుడే ఈ పేర్లను పెట్టుకొన్నాను. మీ కోసం కాదు అని దర్శకుడు గౌతమ్ తిన్ననూరి తెలిపారని నాని వెల్లడించారు.

నానిగా నటించిన రోనిత్ కమ్రా గురించి

జెర్సీ చిత్రంలో నా కుమారుడు నానిగా రోనిత్ కమ్రా అనే అబ్బాయి నటించాడు. రోనిత్ మంచి టాలెంటెడ్ కుర్రాడు. చాలా ఎనర్జిటిక్. జెర్సీ కోసం ఎక్కువగా రాత్రిళ్లు షూట్ చేసే వాళ్లం. అర్ధరాత్రి కూడా అలసిపోకుండా రొనిత్ చలాకీగా ఉండటం చూసి మేము ఎనర్జీని తెచ్చుకొనే వాళ్లం అని నాని చెప్పాడు.

రొనిత్‌తో చాలా కష్టం

రొనిత్ చాలా మాటకారి. ఆ అబ్బాయి అడిగే ప్రశ్నలకు సమాధానం చెప్పడం చాలా కష్టం. సెట్లో ఆ అబ్బాయి ఉంటే సందడి సందడిగా ఉండేది. షాట్‌లోకి వెళ్లగానే అతడిలో టాలెంట్ బయటకు వచ్చేది అని నాని వెల్లడించారు. రోనిత్‌ లాంటి టాలెంట్ కుర్రాడు మాకు జెర్సీకి దొరకడం చాలా లక్కీ అని నాని చెప్పాడు.