‘నాన్నకు ప్రేమతో’లో అదిరిపోయే స్టంట్స్ (ఫోటోస్)

By Bojja Kumar

Published: Friday, September 18, 2015, 15:33 [IST]

హైదరాబాద్: యంగ్ టైగర్ జూ ఎన్టీఆర్ హీరోగా సుకుమార్ దర్శకత్వంలో ఓ సినిమా తెరకెక్కుతున్న సంగతి తెలిసిందే. గత కొంత కాలంగా ఈ చిత్రానికి ‘నాన్నకు ప్రేమతో' అనే టైటిల్ ప్రచారంలో ఉంది. ఇపుడు అదే టైటిల్ ఖరారు చేస్తూ వినాయక చవితి సందర్భంగా ఫస్ట్ లుక్ పోస్టర్ విడుదల చేసారు. ఎన్టీఆర్ డిఫరెంట్ స్టైలిష్ లుక్ సూపర్బ్ గా ఉంది.

ఈ చిత్రం శ్రీ వెంకటేశ్వర సినీ చిత్ర పతాకంపై ఈ చిత్రం తెరకెక్కుతోంది. రకుల్‌ప్రీత్‌ సింగ్‌ హీరోయిన్. ఈ చిత్రం జనవరి 8,2016న విడుదల చేయటానికి సన్నాహాలు చేస్తున్నారు. ఈ లోగా దసరా పండుగను పురస్కరించుకుని అక్టోబర్ 22న టీజర్ ని విడుదల చేయాలని నిర్ణయించారు.

ప్రస్తుతం లండన్‌లో చిత్రీకరణ జరుపుకొంటోంది. ఈ చిత్రంలో ఎన్టీఆర్‌ ద్విపాత్రాభినయం చేస్తున్నాడని సమాచారం. ఓ పాత్ర కోసం గడ్డంతో, స్త్టెలిష్‌గా కనిపిస్తున్నాడు తారక్‌. ప్రస్తుతం ఆ గెటప్పే చిత్ర బృందం బయటపెట్టింది. అయితే.. ఈ సినిమాలో ఎన్టీఆర్‌ మరో పాత్రలో కూడా కనిపిస్తాడని తెలుస్తోంది. ఆ గెటప్‌ను చిత్రబృందం గోప్యంగా ఉంచుతోంది. ఈ ఇద్దరి ఎన్టీఆర్‌ల మధ్య ఉన్న సంబంధం ఏమిటన్నది సినిమా చూసి తెలుసుకోవాల్సిందే.

ఈ సినిమాకు ప్రముఖ స్టంట్ మాస్టర్ పీటర్ హెయిన్స్ స్టంట్స్ కంపోజ్ చేస్తున్నారు. లండన్‌లో ఈ సినిమాకు సంబంధించి ఓ భారీ స్టంట్ కంపోజ్ చేసాడు. ఈ సందర్భంగా తన స్టంట్ టీం ఫోటోలు సోషల్ మీడియాలో పోస్టు చేసారు.

ఆ ఫోటోలపై మీరూ ఓ లుక్కేయండి...