Click it and Unblock the Notifications
నారా రోహిత్ కి ఫిక్సయింది
ఇక ఈ సినిమా నిర్మాణం కూడా రాజకీయంగా ఓ స్ట్రాటజీ ప్రకారమేనంటున్నారు. పార్టీ టిక్కెట్ రాక నిరాశచెందిన నారా రామ్ముర్తి నాయుడు బుజ్జగించటానికే ఈ ప్రయత్నం అని అంటున్నారు. చంద్రబాబు సూచనపైనే ఈ నిర్ణయానికి అశ్వనీదత్ వచ్చాడని తెలుస్తోంది. ఇక ఈ చిత్ర నిర్మాణానికి అయ్యే ఖర్చను కూడా బాబే భరించే అవకాశాలనున్నాయని గుసగుసలువినపడుతున్నాయి. గతంలో అశ్వనీదత్ చాలా మంది తెలుగు వారస హీరోలను విజయవంతంగా లాంచింగ్ చేసిన అనుభవంతో ఈ ప్రయత్నం చేస్తున్నారని తెలుస్తోంది.
ఈ చిత్రాన్ని భారీ బడ్జెట్ తో, అత్యున్నత సాంకేతిక విలువలతో తెరకెక్కించేందుకు అశ్వనీదత్ ప్లాన్ చేస్తున్నారు. అన్ని వర్గాల ప్రేక్షకులను ఆకట్టుకునే కథాంశంతో ఈ చిత్రం ఉంటుంది. మే 4న ఈ చిత్రం ప్రారంభమవుతుందనీ, వైజాగ్, విజయనంగరం, బొబ్బిలి, కర్ణాటకలోని కొన్ని ముఖ్య ప్రదేశాల్లో షూటింగ్ జరుగుతుందని చిత్రయూనిట్ తెలిపింది. ఈ చిత్రానికి చైతన్య దంతులూరి కథ-స్క్రీన్ ప్లే సైతం అందిస్తుండగా, గంధం నాగరాజు మాటలు, రామజోగయ్య శాస్త్రి పాటలు, అనిల్ భండారి సినిమాటోగ్రఫీ, రామ్-లక్ష్మణ్ ఫైట్స్, మణిశర్మ సంగీతం అందించనున్నారు.
ఇక ఈ చిత్రం ద్వారా పరిచయం అవుతున్న దంతులూరి చైతన్య ప్రస్తుతం హ్యాపీడేస్ నికిల్ హీరోగా బసంతి అనే చిత్రాన్ని రూపొందిస్తున్నాడు. మొదట సురేష్ ప్రొడక్షన్స్ లో వినపించిన ఈ స్క్రిప్టు అక్కడ ఓకే కాకపోవటంతో అశ్వనీదత్ దగ్గరకు చేరింది. కొత్త బంగారు లోకం సినిమాకు పనిచేసిన టీమ్ లో కొంతమంది టెక్నికల్ ఈ చిత్రానికి సపోర్టు చేయనున్నారు. ప్రస్తుతం అశ్వనీదత్ తెలుగుదేశం పార్టీ ప్రచార కార్యక్రమాల్లో బిజీగా ఉన్న సంగతి తెలిసిందే. చిరంజీవి ప్రజారాజ్యం అధినేతగా కాక ఓ టాప్ హీరోగా ఈ ప్రారంభోత్సవానికి పిలవటానికి సన్నాహాలు చేస్తున్నారని తెలుస్తోంది.తమన్నా హీరోయిన్ అవటం ఈ సినిమాకు ప్లస్ అయ్యే అవకాసం ఉంది.
Continue with Google