అవసరాల డైరక్షన్...."జ్యో అచ్యుతానంద" టీజర్ (వీడియో)

హైదరాబాద్ :'ఊహలు గుసగుసలాడే' చిత్రంతో దర్శకుడిగా మారిన అవసరాల శ్రీనివాస్‌ ప్రస్తుతం మరో సినిమాను డైరెక్ట్‌ చేస్తున్న సంగతి తెలిసిందే. "జ్యో అచ్యుతానంద" అనే టైటిల్ ను వస్తున్న ఈ సినిమాలో నారా రోహిత్, నాగ శౌర్య, రెజినా కీలక పాత్రలలో నటిస్తున్నారు.. కాగా ఈ చిత్రం టీజర్ ను విడుదల చేశారు.. ఈ టీజర్..నాగశౌర్య, నారా రోహిత్ మధ్య పోటీగా సాగింది. మీరూ ఓ లుక్కేయండి.

గతంలో 'ఊహలు గుహగుసలాడే' వంటి రొమాంటిక్ సినిమాని ప్రేక్షకులకందించిన అవసరాల శ్రీనివాస్ ఈ సినిమాని ఇద్దరు అన్నదమ్ముల కథకు ప్రేమకథను జోడించి తెరకెక్కించనున్నట్లు తెలుస్తోంది. ఈ సినిమాలో నారా రోహిత్ హీరోగా, నాగశౌర్య అతని తమ్ముడిగా నటిస్తున్నారు. ప్రముఖ నిర్మాణ సంస్థ వారాహి చలన చిత్రం ఈ చిత్రాన్ని నిర్మిస్తుండగా కళ్యాణ్ కోడూరి సంగీతాన్ని అందించనున్నారు.

అలాగే ఈ సినిమాలో రెజీనా డెంటిస్ట్ పాత్రను పోషిస్తోందిట. చాలా మంది అమ్మాయిలు నిజ జీవితంలో ఎదుర్కొనే పాత్రను ఇందులో పోషిస్తున్నానని రెజీనా చెప్తోంది. పద్దతైన కుటుంబం నుంచి వచ్చిన ఓ అమ్మాయికి ఇద్దరు అన్నదమ్ములతో రిలేషన్ ఎలా ఉండబోతోందనే కాన్సెప్ట్ అంటున్నారు.

జ్యోతి, అచ్యుతరామారావు, ఆనంద వర్ధనరావు అనే మూడు పాత్ర ల చుట్టూ ఈ కథ తిరుగు తుందట. వారి పేర్లు వచ్చే విధంగా సినిమా టైటిల్‌ ఎంపిక చేసుకున్నాడు.

చక్కటి ప్రేమ కథను స్క్రీన్‌పై అద్భుతంగా తెరకెక్కించిన దర్శకుడిగా మొదటి సినిమాతోనే మంచి పేరు తెచ్చుకున్నాడు. ఆ సినిమా తరువాత కొంత గ్యాప్‌ తీసుకున్న అవసరాల శ్రీనివాస్‌ తన రెండో సినిమా కోసం 'జ్యో అచ్యుతానంద' అనే టైటిల్‌ను ఖరారు చేయటంతోనే సగం సక్సెస్ సాధించారు.