కృష్ణ-మహేష్ బాబు ఫ్యామిలీ నుండి మరో వారసుడు..

By Bojja Kumar

Published: Wednesday, July 2, 2014, 19:11 [IST]

హైదరాబాద్: సినిమా ఇండిస్టీలో వారసుల పరంపర కొనసాగుతోంది. ఇప్పటికే సూపర్ స్టార్ కృష్ణ ఫ్యామిలీ నుండి మహేష్ బాబు హీరోగా వచ్చి ఇండస్ట్రీలో టాప్ పొజిషన్లో కొనసాగుతున్నారు. కృష్ణ అల్లుడు సుధీప్‌ కూడా ఇటీవలే హీరోగా ఎంట్రీ ఇచ్చాడు. ఇప్పుడు అదే ఫ్యామిలీకి చెందిన మరో వారసుడు రాబోతున్నాడు. విజయనిర్మల కుమారుడు సీనియర్‌ నరేష్‌ కొడుకైన నవీన్‌ కథానాయకుడిగా కన్పించబోతున్నాడు.

ఈ చిత్రానికి క్రియేటివ్ ద‌ర్శ‌కుడు కృష్ణ‌వంశీ వద్ద అసోసియేట్‌ ద‌ర్శ‌కుడిగా పని చేసిన రామ్‌ప్ర‌సాద్ ఈ సినిమాకి ద‌ర్శ‌కుడిగా ప‌రిచ‌యం కానున్నాడ‌ట‌. ఫ్రెండ్లీ మూవీస్ బ్యాన‌ర్‌పై చంటి అడ్డాల ఈ సినిమాని నిర్మించ‌నున్నారు. ఇప్పటికే ఈ చిత్రం గురించి ప్రకటించారు చంటి అడ్డాల.

'నా గత చిత్రం అల్లరి నరేష్ హీరోగా నిర్మించిన 'యముడికి మొగుడు' తరువాత చేయబోయే చిత్రం కన్‌ఫర్మ్ అయ్యింది. ఈ చిత్రం ద్వారా సీనియర్ నరేష్ కొడుకు నవీన్‌ను హీరోగా పరిచయం చేస్తున్నాం. ఇదొక ట్రయాంగిల్ లవ్‌స్టోరీ. చిత్రం యూత్‌ఫుల్ ఎంటర్‌టైనర్‌గా తెరకెక్కబోతోంది. అన్ని పాటలూ ప్రముఖ కొరియోగ్రాఫర్ వైభవీ మర్చంట్ నృత్య దర్శకత్వంలో చిత్రీకరణ చేయబోతున్నాం' అన్నారు చంటి అడ్డాల.

More from Filmibeat