బాలయ్య 102: నయనతారతో పాటు ఈ కొత్త బ్యూటీ కూడా (ఫోటోస్)

బాలయ్య 102వ చిత్రంలో రెండో హీరోయిన్ ఎంపికైంది. నటాషా దోషి అనే మళయాల బ్యూటీ సెలక్టయింది.

By Bojja Kumar

Updated: Monday, September 4, 2017, 15:43 [IST]

'గౌతమీపుత్ర శాతకర్ణి' తో 100 సినిమాలు పూర్తి చేసి మంచి జోస్ మీద ఉన్న బాలకృష్ణ వరుస సినిమాలు చేస్తూ దూసుకెలుతున్నారు. ఆ సినిమా తర్వాత 101వ సినిమాగా పూరితో 'పైసా వసూల్' చేసిన బాలయ్య..... 102వ చిత్ర ప్రముఖ తమిళ దర్శకుడు కె.ఎస్.రవికుమార్ తో చేస్తున్నారు.

ప్రస్తుతం ఈ చిత్ర షూటింగ్ హైదరాబాద్‌లోని రామోజీ ఫిల్మ్ సిటీలో జరుగుతోంది. కొన్ని ముఖ్యమైన సన్నివేశాలను తెరకెక్కిస్తున్నారు. ఈ సినిమాలో మొత్తం ముగ్గురు హీరోయిన్లు ఉంటారని తెలుస్తోంది. ఇప్పటికే నయనతార ఎంపికవ్వగా, తాజాగా 'నటాషా దోషి' అనే మరో బ్యూటీని ఎంపిక చేశారు.

నటాషా దోషి

బాలయ్య 102లో సెకండ్ హీరోయిన్‌గా 'నటాషా దోషి' ఎంపిక చేసినట్లు చిత్ర యూనిట్ అఫీషియల్ గా ప్రకటించింది. కథానాయికగా నటాషా దోషికి మలయాళంలో మంచి గుర్తింపు ఉది.

తెలుగులో తొలిసారి

నటాషా దోషి మళయాలంలో చాలా సినిమాలు చేసింది. 'హైడ్ అండ్ సీక్' .. 'మాంత్రికన్' .. 'నయన' .. 'కాల్ మీ @' .. 'ఫర్ సెల్' వంటి సినిమాలు ఆమెకి మంచి పేరు తెచ్చాయి. బాలకృష్ణ సినిమాతోనే ఆమె తెలుగు తెరకి పరిచయమవుతోంది. త్వరలోనే ఆమె ఈ సినిమా షూటింగులో జాయిన్ కానుంది.

షూటింగులో నయనతార

ప్రస్తుతం రామోజీ ఫిల్మ్ సిటీలో జరుగుతున్న షూటింగులో బాలయ్యతో పాటు నయనతార కూడా పాల్గొంటోంది. మలయాళ భాషల్లో బిజీగా వున్న నయనతార, ఈ సినిమా కోసం పారితోషికంగా భారీ మొత్తమే తీసుకుందనే టాక్ వినిస్తోంది.