»   » నాతో చేసే హీరోయిన్ కు... నెక్స్ట్ ఛాన్స్ రజనీతోనే

నాతో చేసే హీరోయిన్ కు... నెక్స్ట్ ఛాన్స్ రజనీతోనే

Posted By:
Subscribe to Filmibeat Telugu

ముంబై: ఆ నటుడుతో సినిమా చేస్తే నెక్ట్స్ ఛాన్స్ రజనీకాంత్ తో వస్తుందట. ఈ విషయం చెప్తున్నది బాలీవుడ్ నటుడు నవాజుద్దిన్ సిద్దికి. ఆయన తన తాజా చిత్రం ఫ్రీకి అలీ ప్రమోషన్ లో భాగంగా మీడియాతో మాట్లాడుతూ ఈ విషయం చెప్పుకొచ్చాడు.

తనతో మాంఝీ చిత్రంలో హీరోయిన్ గా చేసిన రాధికా ఆప్టే ..రీసెంట్ గా రజనీ చిత్రం కబాలిలో చేసింది. అలాగే ఆయన తాజా చిత్రం ఫ్రీకి అలీ లో చేస్తున్న అమీ జాక్సన్..కు రోబో 2 లో అవకాసం వచ్చిందని అన్నారు. అయితే నిజానికి రోబో 2 లో చేస్తున్న అమీనే నవాజుద్దిన్ సిద్దికి ఫ్రీకి అలీలో బుక్ చేసుకున్నారు. అదన్నమాట సంగతి.

బాలీవుడ్ సూపర్‌స్టార్ సల్మాన్‌ఖాన్ సమర్పణలో అతని సోదరుడు సోహైల్ ఖాన్ స్వీయ దర్శకత్వంలో నిర్మించిన చిత్రం 'ఫ్రీకి అలీ'. ఈ చిత్రానికి రచయిత కూడా సోహైల్ ఖాన్ కావడం విశేషం. రొమాంటిక్ కామెడీ-స్పోర్ట్ ఎంటర్‌టైనర్‌గా ఈ చిత్రం తెరకెక్కింది. సల్మాన్ మరో సోదరుడు అర్బాజ్ ఖాన్, నవాజుద్దీన్ సిద్దిఖీ, అమీజాక్సన్, జస్ అరోరా, సీమా బిస్వాస్ ప్రధాన పాత్రల్లో 'ఫ్రీకి అలీ' రూపుదిద్దుకుంది.

Nawazuddin Siddiqui Makes An Interesting Revelation About Superstar Rajinikanth!

ఈ చిత్రం సెప్టెంబర్ 9న ప్రపంచవ్యాప్తంగా రిలీజ్‌కానుంది. ఈ నేపథ్యంలో చిత్ర బృందం హైదరాబాద్‌లో జరిగిన సినిమా ప్రమోషన్ కార్యక్రమంలో సందడిచేసింది. ఈ కార్యక్రమంలో సొహైల్‌ఖాన్, అర్బాజ్‌ఖాన్, నవాజుద్దీన్ సిద్దిఖీ తదితరులు పాల్గొన్నారు.

చిత్ర దర్శకనిర్మాత సోహైల్‌ఖాన్ మాట్లాడుతూ "కామెడీ నేపథ్యంలో సాగే రొమాంటిక్ ఎంటర్‌టైనర్ 'ఫ్రీకి అలీ'. డిఫరెంట్ స్టోరీ, స్క్రీన్‌ప్లేతో ఈ చిత్రాన్ని తెరకెక్కించడం జరిగింది. నవాజుద్దీన్ సిద్దిఖీ, అర్బాజ్ ఖాన్ నటన, అమీ జాక్సన్ గ్లామర్ సినిమాకు హైలైట్‌గా నిలుస్తుంది. సెప్టెంబర్ 9న ఈ చిత్రాన్ని ప్రపంచవ్యాప్తంగా అత్యధిక థియేటర్లలో రిలీజ్ చేస్తున్నాం"అని అన్నారు.

English summary
Nawazuddin Siddiqui has made an interesting revelation about superstar Rajinikanth that will totally surprise you.
Please Wait while comments are loading...