‘నాయక్’ సక్సెస్ టూర్ విశేషాలు (ఫోటోలతో...)

రామ్‌చరణ్‌ తేజ ఆదివారం నగరంలో సందడి చేశారు.అభిమానులతో ఆ ప్రాంతం రద్దీగా మారింది.

రామ్‌చరణ్‌ మాట్లాడుతూ చిత్రాన్ని ఆదరిస్తున్న అభిమానులందరికీ కృతజ్ఞతలు తెలిపారు. నాయక్‌ అభిమానుల మన్ననలు పొందేలా వీవీ వినాయక్‌ చాలా బాగా చిత్రీకరించారని అన్నారు. మున్ముందు మంచి సినిమాల్లో నటిస్తానని అభిమానులతో అన్నారు.

చిత్ర దర్శకుడు వి.వి.వినాయక్ మాట్లాడుతూ తమ కష్టానికి తగిన ప్రతిఫలం దక్కిందన్నారు. చిత్రం విజయవంతం చేసినందుకుగాను తమకు ఇష్టమైన విశాఖపట్టణం నుంచి విజయ యాత్ర చేపట్టామన్నారు.

ఈ సందర్భంగా వీమాక్స్‌ థియేటర్‌ ప్రాంగణంలో కొంత సేపు అభిమానులతో ముచ్చటించాడు.

చిత్ర నిర్మాత డి.వి.వి.దానయ్య మాట్లాడుతూ నాయక్ ఎన్నో రికార్డులు బ్రేక్ చేసిందన్నారు. అది ప్రేక్షకుల దయవల్లే అన్నారు.

ఈ సందర్భంగా హీరో రామ్ చరణ్, వివి వినాయక్‌లను అభిమానులు గజమాలలతో ఘనంగా సత్కరించారు.

రామ్‌చరణ్‌తో కలసి చిత్ర దర్శకుడు వి.వి.వినాయక్‌, చోటా.కె. నాయుడు, డి.వి.వి. దానయ్య పాల్గొన్నారు. ఈ సందర్భంగా నాయక్‌ విజయం సాధించిన సందర్భంగా కేక్‌ను కట్‌ చేశారు.

రామ్‌చరణ్‌తో కరచాలనం చేసేందుకు ఒక్కసారిగా అందరూ వేదిక పైకి ఎగబడ్డారు. అభిమానులను కట్టడి చేయడానికి పోలీసులు ఇబ్బంది పడ్డారు.

రహదారి భద్రత సూత్రాలు పాటించడంతోనే ప్రమాదాల నివారణ సాధ్యమవుతుందని సినీనటుడు రామ్‌చరణ్‌తేజ్‌ పేర్కొన్నారు.వాహనాలు నడిపే వారు రోడ్డు భద్రతపై పూర్తిస్థాయిలోఅవగాహన పెంచుకుంటే ప్రమాదాల నివారణకు అస్కారం ఉంటుందన్నారు. విశాఖనగరంలో గత మూడేళ్లగా రోడ్డు ప్రమాదాలసంఖ్య గణనీయంగా తగ్గుముఖం పట్టడం శుభపరిణామమన్నారు. ఈ సందర్భంగా సీటీ ట్రాఫిక్‌ పోలీసులపై ప్రశంసల జల్లు కురిపించారు.