Click it and Unblock the Notifications
శేఖర్ కమ్ముల హీరోయిన్ కి హాలీవుడ్ ఆఫర్
సూపర్ హిట్స్ 'జుమాంజీ', 'జురాసిక్ పార్క్ 3', 'హనీ, ఐ ష్రంక్ ద కిడ్స్' లాంటి చిత్రాలను రూపొందించిన దర్శకుడు జో జాన్స్టన్. ఆయన త్వరలో ఓ చిత్రం తెరకెక్కించబోతున్నారు. ఇందులో ఓ పాత్ర నీతు చంద్రకి దక్కింది. ఆ కథలో భారతీయురాలి పాత్ర ఉంది.
ఈ చిత్రంలో నటించేందుకు నీతుకి ఆడిషన్ కూడా నిర్వహించారు. వచ్చే నెలలో లాస్ఏంజిల్స్లో షూటింగ్ ఉంటుంది. అక్కడికి వెళ్లేందుకు ఆమె ఏర్పాట్లు చేసుకొంటోంది. ఇటీవలే నీతు ఓ గ్రీకు భాషా చిత్రంలో నటించింది.
మరో ప్రక్క 'జయం'రవి, నీతూచంద్ర జంటగా అమీర్సుల్తాన్ దర్శకత్వంలో డిఎంకె నాయకుడు అన్బుళగన్ నిర్మించిన భారీ యాక్షన్ ఎంటర్టైనర్ 'ఆదిభగవాన్'. తమిళంలో విడుదలై విజయం సాధించిన ఈ చిత్రాన్ని అన్బుళగన్ స్వయంగా తెలుగులోకి అనువదిస్తున్నారు. డబ్బింగ్ కార్యక్రమాలు శరవేగంతో జరుగుతున్నాయి. త్వరలో సినిమాను విడుదల చేయటానికి సన్నాహాలు చేస్తున్నారు.
Continue with Google