»   »  'అత్తారింటికి దారేది' వ్యూహమే మంచు విష్ణు కూడా...

'అత్తారింటికి దారేది' వ్యూహమే మంచు విష్ణు కూడా...

Posted By:
Subscribe to Filmibeat Telugu
For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

    హైదరాబాద్ :పవన్‌ కల్యాణ్‌ హీరోగా నటించిన చిత్రం 'అత్తారింటికి దారేది'. ఓ ప్రక్క సమ్మెలు,మరో ప్రక్క పైరసీ దెబ్బకట్టినా వాటిని ఇసుమంతైనా లెక్క చేయకుండా విడుదలైన ఈ చిత్రం మంచి విజయాన్ని అందుకొంది. వంద కోట్ల వైపు పరుగులు తీస్తోంది. ఈ దశలో చిత్ర యూనిట్ 'అత్తారింటికి దారేది'లో ఆరు నిమిషాల నిడివి ఉన్న సన్నివేశాన్ని జోడించింది. బుధవారం నుంచి జోడించిన సన్నివేశాన్ని థియేటర్లలో చూడొచ్చు. ఈ కొత్త సన్నివేశం ఇంకెన్ని కోట్లను తెచ్చిపెడుతుందో? అని ఇండస్ట్రీ అంచనాలు వేస్తోంది. ఇక మరోవైపు మంచు విష్ణు కూడా ఇదే వ్యూహాన్ని అమలు చేస్తున్నారు.

    మంచు విష్ణు హీరోగా నటించిన చిత్రం 'దూసుకెళ్తా'. ఇటీవలే ఈ చిత్రం ప్రేక్షకుల ముందుకు వచ్చింది. దీపావళి నుంచి ఓ కొత్త పాట ఈ సినిమాలో జోడిస్తున్నారు. అంతేకాదు సెకండాఫ్ లో వెన్నెల కిషోర్‌ - విష్ణులపై కొన్ని వినోదాత్మక సన్నివేశాలు కలిపినట్టు సమాచారం. దాంతో ఈ చిత్రం మరింత కలెక్షన్స్ పుంజుకునే అవకాసమున్నట్లు చెప్తున్నారు.

    అయితే ఈ వ్యూహం కొత్తది కాదు. ఇది వరకటి నుంచీ ఉన్నదే. 'చూడాలని ఉంది' సినిమా కోసం చిరంజీవి, వూర్మిళలపై ఓ గీతాన్ని జోడించారు. మొన్నామధ్య 'మగధీర' సినిమాలో ఇలాగే కొన్ని దృశ్యాలను కలిపారు. తర్వాత 'మిర్చి' సినిమాకి ఇదే చేశారు. ఆ సినిమా యాభై రోజులు ఆడిన తరవాత ఓ పోరాట దృశ్యాన్ని జోడించారు. 'ప్రభాస్‌ కొత్త ఫైట్‌..' అంటూ ప్రచారం చేశారు. దాంతో ఇంకొన్ని వసూళ్లు దక్కాయి. ఇప్పుడు 'అత్తారింటికి దారేది', 'దూసుకెళ్తా' సినిమాలు కూడా ఈ పద్ధతినే అనుసరిస్తున్నాయి.

    ఇలా సీన్స్ కలపటం వల్ల పైగా పెద్ద ఖర్చేం కాదు. హీరో అభిమానులు మరోసారి ఆ సినిమా చూసే అవకాశం ఉంటుంది. సాధారణంగా ఫైనల్ కాపీ చూసుకొంటున్నప్పుడు సినిమా నిడివిని దృష్టిలో ఉంచుకొంటుంటారు దర్శక నిర్మాతలు. రెండున్నర గంటలు దాటితే, కథాగమనానికి అడ్డుపడుతున్న సన్నివేశాలకు కత్తెర వేస్తుంటారు. సినిమా విడుదలైన తరవాత కత్తిరించిన సన్నివేశాలు మళ్లీ కలపడం ఓ అదనపు ఆకర్షణ మాత్రమే. దాని వల్ల ఫలితం పెద్దగా ఏమీ మారిపోదు. మరి ఈ వ్యూహం ఈ సారి...ఈ కొత్త సినిమాలకు ఎంత రాబడి తీసుకొస్తుందో చూడాలి.

    English summary
    The buzz in tinsel town is that the makers of ' Doosukeltha' have decided to add a few more scenes to the film. According to sources, the makers have decided to add a couple of more scenes and song to bring more audiences to theatre and to discourage piracy.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more