Don't Miss!
- News చిలుకూరు బాలాజీ ఆలయానికి గరుడ ప్రసాదం కోసం భక్తుల రష్.. అసలేమిటీ గరుడ ప్రసాదం?
- Sports ఐపీఎల్లో అదరగొడుతున్న అన్ క్యాప్డ్ ప్లేయర్లు వీళ్లే..
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Technology ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..!
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
‘బాహుబలి’ని తోసేసి ఆస్కార్ రేసులో ‘న్యూటన్’, రాజమౌళి స్పందన ఇదీ...
బాహుబలికి ఆస్కార్ ఎంట్రీ లభించలేదు. ఈ అవకాశం బాలీవుడ్ మూవీ న్యూటర్ కు దక్కింది.
ఈ మధ్య కాలంలో ఇండియాలో వచ్చిన గొప్ప సినిమా, బాగా నచ్చిన సినిమా ఏది అంటే.... భారత దేశ వ్యాప్తంగా ఉన్న ప్రేక్షకుల్లో ఎక్కువ మంది చెప్పే ఒకే మాట 'బాహుబలి'. అత్యధిక మంది ప్రేక్షకులు మెచ్చిన సినిమా ఇది. ఈ సినిమాకు పలు జాతీయ అవార్డులు సైతం వచ్చాయి. ఈ సారి ఇండియా నుండి ఆస్కార్ రేసులో ఈ చిత్రం ఉంటుందని చాలా మంది భావించారు.
అయితే అందరి ఊహలు తారుమారయ్యాయి. బాలీవుడ్ చిత్రం 'న్యూటన్' ఇండియా నుండి బెస్ట్ ఫారిన్ ఫిల్మ్ కేటగిరీలో 90వ ఆస్కార్ అవార్డులకు నామినేట్ అయింది. రాజ్ కుమార్ రావు నటించిన ఈచిత్రానికి అమిత్ వి మసూర్కర్ దర్శకత్వం వహించారు.
న్యూటన్
న్యూటర్ అనేది బ్లాక్ మనీ నేపథ్యంలో సాగే సినిమా. అమిత్ వి మసూర్కర్ దర్శకత్వం వహించిన రెండో సినిమా. ఆస్కార్ రేసుకు చాలా ఇండియన్ సినిమాలు పోటీ పడగా ఈ చిత్రం అన్నింటినీ వెనక్కి నెట్టి ముందు నిలిచింది.
రాజమౌళి స్పందన
తన బాహుబలి సినిమా ఆస్కార్ రేసులో నిలవక పోవడంపై రాజమౌళి ఓ ఆంగ్ల పత్రికతో మాట్లాడుతూ తన సినిమా ఆస్కార్ రేసులో నిలవకపోవడంపై తాను అసంతృప్తిగా ఏమీ లేనని స్పష్టం చేశారు.
అవార్డుల కంటే అదే ముఖ్యం
తన సినిమాలు అవార్డులు రావడం కంటే కూడా ప్రేక్షకలకు నచ్చడం, నిర్మాతలకు డబ్బులు తెచ్చిపెట్టడం ముఖ్యమని తెలిపారు. తాను అవార్డుల కోసం సినిమాలు చేయనని తెలిపారు.
అవే ఆలోచిస్తాను
తాను ఏదైనా సినిమా చేయాలంటే.... ముందు ఆ సినిమా కథతో తాను ఎంతో సంతృప్తి చెందాలని, తర్వాత అది సాధ్యమైనంత ఎక్కువ మంది ప్రేక్షకులను చేరేలా ఉండాలని, ఈ రెండు కుదిరినపుడే తాను సినిమా చేస్తానని రాజమౌళి తెలిపారు.