నా ఫ్యామిలీ చూస్తే.. లిప్‌లాక్ సీన్స్, ఎక్స్‌ఫోజింగ్.. అందుకేనట సాయి పల్లవి ఇలా!

నటన కోసం మెడిసిన్ వదిలేసి

సాయిపల్లవి మెడిసిన్ విద్యార్థిగా కొనసాగుతుండగా ఆమెకు సినిమాల్లో నటించే అవకాశం వచ్చింది. 2015లో సాయి పల్లవి ప్రేమమ్ చిత్రంతో సౌత్ మొత్తం మంచి క్రేజ్ తెచ్చుకుంది. ఈ చిత్రంలో మలర్ పాత్రలో యువతని ఆకట్టుకుంది. ఆ తరువాత తెలుగులో నటించిన ఫిదా చిత్రంలో ఇక్కడకి యువత కూడా సాయి పల్లవికి దాసులైపోయారు. సాయి పల్లవి ప్రస్తుతం సౌత్ లో క్రేజీ హీరోయిన్.

శరీరం కనిపించేలా దుస్తులు

గ్లామర్ షోపై సాయి పల్లవి మరో మారు తన మనసులో మాట బయట పెట్టేసింది. వెండి తెరపై ఎక్స్ ఫోజింగ్ చేయడం న వల్ల కాదు. అలాంటి సన్నివేశాల్లో నటించాలి అంటే నాకు చాలా ఇబ్బందిగా ఉంటుంది అని సాయి పల్లవి తెలిపింది. నేను మెడిసిన్ చదువు వదిలేసి వచ్చింది నటిగా గుర్తింపు పొందడానికి. గ్లామర్ షోలు చేయడానికి కాదు. నటిగా కొనసాగినన్ని రోజులు మంచి పాత్రల్లో నటించడానికి ప్రయత్నిస్తా అని సాయి పల్లవి తెలిపింది.

నా ఫ్యామిలీ చూడాలి కదా

ఇక లిప్ లాక్ సన్నివేశాలలో కూడా తాను నటించనని సాయి పల్లవి తేల్చి చెప్పింది. నేను నటించే చిత్రాలన్నీ నా కుటుంబ సభ్యులు చూడాలి అని అనుకుంటాను. నేను గ్లామర్ షో, లిప్ లాక్ సన్నివేశాల్లో నటిస్తే వాళ్లకు ఎంత ఇబ్బందిగా ఉంటుంది.. అది నాకు కూడా సరిగా అనిపించదు అని సాయి పల్లవి తెలిపింది.

వ్యతిరేకం కాదు

అలాగని గ్లామర్ షోకు నేను వ్యతిరేకం కాదు. అలాంటి సన్నివేశాల్లో నేను నటించలేను అంతే అని సాయి పల్లవి తెలిపింది. తెలుగులో సాయి పల్లవి ఫిదా, ఎంసీఏ లాంటి హిట్ చిత్రాల్లో నటించింది. హను రాఘవపూడి దర్శత్వంలో తెరకెక్కిన పడిపడి లేచిమనసు చిత్రంలో కూడా సాయి పల్లవి పాత్రకు మంచి రెస్పాన్స్ వస్తోంది.