ఎన్టీఆర్‌, రఘుపతి వెంకయ్య, బీఎన్‌రెడ్డి, నాగిరెడ్డి-చక్రపాణి అవార్డులు వివరాలు

ఎన్టీఆర్‌, రఘుపతి వెంకయ్య, బీఎన్‌రెడ్డి, నాగిరెడ్డి-చక్రపాణి జాతీయ చలనచిత్ర అవార్డులను మంగళవారం సాయంత్రం ఆంధ్రప్రదేశ్‌ ప్రభుత్వం ప్రకటించింది.

By Bojja Kumar

Published: Wednesday, April 5, 2017, 8:14 [IST]

హైదరాబాద్‌: ఎన్టీఆర్‌, రఘుపతి వెంకయ్య, బీఎన్‌రెడ్డి, నాగిరెడ్డి-చక్రపాణి జాతీయ చలనచిత్ర అవార్డులను మంగళవారం సాయంత్రం ఆంధ్రప్రదేశ్‌ ప్రభుత్వం ప్రకటించింది. 2012, 2013 సంవత్సరాలకుగాను అవార్డు గ్రహీతల వివరాలను సినీనటులు బాలకృష్ణ, మురళీ మోహన్‌ ప్రకటించారు.

రాష్ట్రాలు రెండుగా మారినప్పటికీ తెలుగు చలనచిత్ర పరిశ్రమ ఒక్కటే అని అందుకే ఇరు రాష్ట్రాలకు చెందిన చలన చిత్ర ప్రముఖులనూ ఈ అవార్డులకు ఎంపిక చేసినట్టు కమిటీ సభ్యులు నందమూరి బాలకృష్ణ, ఎం.మురళీమోహన తెలిపారు.

అవార్డులు

ఎన్టీఆర్ అవార్డుకు 5 లక్షల నగదు పారితోషికం, ఇతర అవార్డులకు 2 లక్షల నగదు పారితోషికం, జ్ఞాపిక, ప్రశంసాపత్రాలను అందజేస్తారు. ఏపీ ప్రభుత్వం సినీ రంగ ప్రముఖులకు ఇచ్చే నంది అవార్డులను ప్రవేశపెట్టి 50 ఏళ్లు గడిచిన సందర్భంగా రెండురోజుల పాటు అంతర్జాతీయ స్థాయిలో స్వర్ణోత్సవాలను నిర్వహించి అవార్డులను ప్రదానం చేయనున్నట్టు తెలిపారు.