అలా అయితే ఎన్టీఆర్ కి ప్లాబ్లముండదా?

By Staff

Published: Thursday, March 12, 2026, 11:11 [IST]

ఎన్టీఆర్ తాతగారు పెద్ద ఎన్టీఆర్ కి అల్లూరి సీతారామరాజు,రామకృష్ణ పరమహంస,నరనారాయణులు వంటి చిత్రాల్లో నటించాలని ఆసక్తి ఉండేదని ఆయన సన్నిహితులు చెప్తూంటారు. అయితే ఆయన ఆ కోరిక తీరకముందే స్వర్గస్తులయ్యారు. దాంతో ఆ పోలికలు పుణికి పుచ్చుకున్న ఎన్టీఆర్ కి ఆ పౌరాణిక పాత్రలు చేయాలని తన వారితో ఆలోచనలు చేసాడని తెలుస్తోంది. అయితే అందులో ఎక్కువమంది భజన వర్గమే కాబట్టి వారంతా సాధ్యాసాధ్యాలు,పరిణామాలు ఆలోచించకుండా ఓటు వేసేసారు.

అయితే సినిమాలకు సంభందించిన ప్రతీ విషయం తన జక్కన్న (ఎస్.ఎస్.రాజమౌళి) కి చెప్పి ఫైనల్ డెషిషన్ తీసుకునే అలవాటు ఉన్న ఎన్టీఆర్ ఆ ప్రపోజల్ అతని ముందు పెట్టాడు. దానికి రాజమౌళి నొ చెప్పాడని చెప్పుకుంటున్నారు. మాస్ హీరోగా నిలదొక్కుకుని ఎదుగుతున్న ఈ సమయంలో ఇటువంటి ప్రయోగాలు అనవసరమని నచ్చచెప్పాడని తెలుస్తోంది. అయితే రాజమౌళి తండ్రి విజయేంద్ర ప్రసాద్ మొదట ఈ పౌరాణిక గెటప్స్ లో పాటల్లో కనిపించి ప్రేక్షకులకు అలవాటు చేసి తర్వాత పూర్తి స్ధాయి పాత్రలో కనపడినా ఇబ్బంది ఉండదని చెప్పారని అంటున్నారు.

దాంతో ఆయన సూచనలు తర్వాత వచ్చే సినిమాల్లో అమలు పరిచే అవకాశముందని ఇండస్ట్రీ టాక్ . అలా అయితే ఎన్టీఆర్ కి ప్లాబ్లమేమీ ఉండదని విశ్లేషకులు కూడా చరిత్ర తిరగేసి మరీ చెప్పారుట. ఎన్టీఆర్ ఆ నిర్ణయం తీసుకుంటే తిరుగేముంది...అతని అభిమానులకు త్వరోలో వివిధ గెటప్స్ విందు జరుగుతుందన్నమాట.

More from Filmibeat