‘జై లవ కుశ’ చూశా, రాత్రి నిద్రపట్టలేదు: బండ్ల గణేష్

జై లవ కుశపై సినిమాపై నిర్మాత బండ్ల గణేష్ ట్వీట్ చేశారు. ఎన్టీఆర్ నటన అద్భుతంగా ఉందనని, కెరీర్ బెస్ట్ మూవీ అన్నారు.

By Bojja Kumar

Updated: Wednesday, September 27, 2017, 12:57 [IST]

యంగ్ టైగర్ ఎన్టీఆర్ నటించిన 'జై లవ కుశ' సినిమాపై బండ్ల గణేష్ స్పందించారు. సినిమా చూసిన అనంతరం తన మనసులోని అభిప్రాయాలను ట్విట్టర్ ద్వారా వెల్లడించారు. బండ్ల గణేష్ చేసిన వ్యాఖ్యలు సోషల్ మీడియాలో హాట్ టాపిక్ అయ్యాయి.

జై లవ కుశ సినిమా రాత్రి చూసా నిద్ర పట్టలేదు! ఎన్.టి.ఆర్......,ఎన్.వి.ఆర్ ...,తరవాత తెలుగు చలనచిత్ర పరిశ్రమలో జూ ఎన్టీఆర్ ఆ స్థాయిలో అద్భుతంగా నటించిన మా బాద్ షాకి హ్రుదయపూర్వక ధన్యవాదాలు. అంటూ ట్వీట్ చేశారు. అయితే పైన ఒక చిన్న మిస్టేక్ ఉన్నంది. బహుషా బండ్ల గణేష్ ఎస్.వి.ఆర్ అనబోయి ఎన్.వి.ఆర్ అని తప్పుగా రాసినట్లు స్పష్టం అవుతోంది.

బండ్ల గణేష్ ట్వీట్

ఎన్టీఆర్ సినిమా, ఆయన నటనను పొగుడుతూ బండ్ల గణేష్ ట్వీట్ చేయడంపై అభిమానులు ఆనందం వ్యక్తం చేస్తున్నారు. ఈ ట్వీట్‌‌ను ఎన్టీఆర్ అభిమానులు రీట్వీట్స్ చేస్తూ వైరల్ చేస్తున్నారు.

ఎన్టీఆర్ అంటే చాలా ఇష్టం

బండ్ల గణేష్ పవర్ స్టార్ పవన్ కళ్యాణ్ భక్తుడు. అయితే ఎన్టీఆర్ అంటే కూడా గణేష్‌కు చాలా ఇష్టం. ఆయన తొలిసారిగా బండ్ల గణేష్ ‘బాద్ షా' చిత్రం చేశారు. శ్రీను వైట్ల దర్శకత్వం వహించిన ఈ చిత్రం బాక్సాఫీసు వద్ద మంచి విజయం సాధించింది.

టెంపర్

‘బాద్‌షా' చిత్రం తర్వాత ఎన్టీఆర్ హీరోగా బండ్ల గణేష్ చేసిన మరో సినిమా ‘టెంపర్'. పూరి దర్శకత్వం వహించిన ఈ చిత్రం 2015లో విడుదలై మంచి విజయం సాధించింది.

సినిమాలకు దూరమైనా...

కారణం ఏమిటో తెలియదు కానీ... రెండేళ్లుగా బండ్ల గణేష్ సినిమాలు చేయడం లేదు. ఆర్థిక పరమైన ఇబ్బందులే కారణమని తెలుస్తోంది. అయితే సోషల్ మీడియా ద్వారా బండ్ల గణేష్ అందరికీ టచ్ లోనే ఉంటున్నారు.