కొరటాల ‘జనతా గ్యారేజ్’లో ఎన్టీఆర్ లుక్ అదిరింది (ఫోటోలు)

By Bojja Kumar

| Published: Tuesday, March 29, 2016, 19:38 [IST]

హైదరాబాద్: యంగ్ టైగర్ జూ ఎన్టీఆర్ హీరోగా కొరటాల శివ దర్శకత్వంలో 'జనతా గ్యారేజ్' చిత్రం తెరకెక్కుతున్న సంగతి తెలిసిందే. మైత్రీమూవీమేకర్స్ వారు నిర్మిస్తున్న ఈ సినిమా కోసం ప్రత్యేకంగా వేసిన గ్యారేజ్ సెట్లో షూటింగ్ కూడా ప్రారంభం అయింది. ఈ సినిమాలో ఎన్టీఆర్ లుక్ ఎలా ఉండబోతోందని ఆసక్తిగా ఎదురు చూస్తున్నారు ఫ్యాన్స్.

దర్శకుడు కొరటాల శివ ఇప్పటి వరకు దర్శకుడిగా రెండు సినిమాలు చేసారు. రెండు సినిమాల్లోనూ హీరోలను డిఫరెంట్ స్టైల్‌లో చూపించారు. ముఖ్యంగా హీరో లుక్, యాటిట్యూడ్ విషయంలో కొరటాల చాలా కేర్ తీసుకుంటారు. ఈ నేపథ్యంలో తాజాగా 'జనతా గ్యారేజ్'లో ఎన్టీఆర్ ను ఓ రేంజిలో చూపిస్తారని అంచనా వేస్తున్నారు అభిమానులు.

తాజాగా జనతా గ్యారేజ్ చిత్రానికి సంబంధించిన ఓ ఫోటో రీలీజ్ అయింది. అభిమానుల అంచనాలకు ఏ మాత్రం తగ్గకుండా ఈ చిత్రంలో ఎన్టీఆర్ లుక్ అదిరిపోయే విధంగా ఉంది. ఇటీవల ముంబైలో ఎన్టీఆర్‌పై కొన్ని పోరాట సన్నివేశాలను చిత్రీకరించారు. ఆ షూటింగ్‌కి సంబంధించిన కొన్ని ఫొటోలు కూడా బయటకు వచ్చాయి.