జూ ఎన్టీఆర్ చిన్న కుమారుడికి పేరు పెట్టారోచ్.... ఏమిటో తెలుసా?

చిన్నోడు భార్గవరామ్

తన రెండో కుమారుడికి భార్గవరామ్ అనే పేరు పెట్టినట్లు ఎన్టీఆర్ వెల్లడించారు. ఈ సందర్భంగా తన ఫ్యామిలీ ఫోటోను ఎన్టీఆర్ అభిమానులకు షేర్ చేశారు. చిన్నోడికి పేరు పెట్టే కార్యక్రమాన్ని వేడుక నిర్వహించారని సమాచారం.

తమ్ముడితో అభయ్ రామ్

ఇంతకు ముందు ఎన్టీఆర్ షేర్ చేసిన ఈ ఫోటోలో తమ్ముడు భార్గవరామ్‌ను అభయ్ రామ్ ఎత్తుకుని ఉండగా..... ఎన్టీఆర్ ఆ ఇద్దరి ఫోటోను తన సెల్ ఫోన్లో చిత్రీకరిస్తున్నట్లు ఉంది.

ఇద్దరు వారసులతో ఎన్టీఆర్

కొన్ని రోజులుగా ఎన్టీఆర్ ఎక్కువ సమయం ఇంట్లోనే గడుపుతున్నారు. షూటింగ్ లేని సమయంలో తన ఇద్దరు వారసులతో ఆడుకుంటూ ఎంజాయ్ చేస్తున్నారు.

త్రివిక్రమ్ మూవీ

ఎన్టీఆర్ ప్రస్తుతం త్రివిక్రమ్ శ్రీనివాస్ దర్శకత్వంలో ‘అరవింద సమేత వీరరాఘవ' అనే సినిమా చేస్తున్నారు. పూజా హెడ్గే హీరోయిన్. ఎస్ రాధాకృష్ణ నిర్మిస్తున్న ఈచిత్రం ఈ ఏడాది చివర్లో ప్రేక్షకుల ముందుకు వచ్చే అవకాశం ఉంది. ఎన్టీఆర్-త్రివిక్రమ్ కాంబినేషన్లో వస్తున్న మొదటి చిత్రం కావడంతో ఈ చిత్రంపై భారీ అంచనాలున్నాయి. ఈ మూవీలో పాత్ర కోసం ఎన్టీఆర్ భారీగా బురువు తగ్గి స్లిమ్‌ లుక్‌లోకి మారిపోయాడు.