హోమ్

న్యూస్

హైదరాబాద్‌: నందమూరి కల్యాణ్‌.. పవర్‌ఫుల్‌ పోలీసాఫీసర్‌ పాత్రలో తెరకెక్కిన చిత్రం 'పటాస్‌'. సొంత బ్యానర్‌ నందమూరి తారకరామారావు ఆర్ట్స్‌ పతాకంపై నిర్మిస్తున్న ఈ చిత్రానికి ఆయనే నిర్మాత. అనిల్‌ రావిపూడి దర్శకుడిగా పరిచయమవుతున్నారు. ఈ చిత్ర ఆడియో, ట్రైలర్ ఇటీవల విడుదల చేసారు. పాటకుల మంచి రెస్పాన్స్ వస్తోంది.

రొమాంటిక్‌ , యాక్షన్‌, మాస్‌ ఎంటర్‌టైనర్‌గా ఈ చిత్రం రూపుదిద్దుకొంది. సాయికార్తీక్‌ మంచి సంగీతాన్ని అందించారు. ఈ చిత్రాన్ని జనవరి 23న విడుదల చేసేందుకు ఏర్పాట్లు చేస్తున్నట్లు యూనిట్ సభ్యులు ఒక ప్రకటనలో తెలిపారు.

కల్యాణ్‌రామ్‌ మాట్లాడుతూ ''యాక్షన్‌ ప్రధానంగా సాగే చిత్రమిది. కథలో వినోదానికీ చోటుంది. భారీ హంగులతో రూపుదిద్దుకొంటున్న ఈ చిత్రం ఇంటిల్లిపాదినీ అలరిస్తుంది'' అన్నారు. శ్రుతి సోధి పంజాబీ చిత్రాల్లో నటించి పేరు తెచ్చుకొంది శ్రుతి. అటు అందంగా కనిపించడంతోపాటు ఇటు నటనలోనూ రాణిస్తోంది. చిత్రంలో కల్యాణ్‌రామ్‌ పోలీసు అధికారిగా కనిపిస్తారు. కథలో మలుపులు రక్తికట్టించేలా ఉంటాయని చిత్రబృందం చెబుతోంది.

సాయికుమార్‌, బ్రహ్మానందం, అశుతోష్‌ రాణా, ఎమ్మెస్‌ నారాయణ, శ్రీనివాసరెడ్డి, జయప్రకాశ్‌రెడ్డి, పోసాని కృష్ణమురళి తదితరులు నటించిన ఈ చిత్రానికి ఫొటోగ్రఫీ: సర్వేశ్‌ మురారి, ఎడిటింగ్‌: తమ్మిరాజు, రచనా సహకారం: ఎస్‌.కృష్ణ, నిర్మాత: నందమూరి కల్యాణ్‌రామ్‌, కథ, మాటలు, స్ర్కీన్‌ప్లే, దర్శకత్వం: అనిల్‌ రావిపూడి.